startimes

Imana ishaka ko wamenya ibijyanye n’ amafranga n’ ubutunzi-Rev.Nibintije

Ubuzima   Yanditswe na: Dusingizimana Remy 17 February 2020 Yasuwe: 719

Soma :Luka 12: 13-21

"Nuko umuntu umwe wo muri iryo teraniro aramubwira ati “Mwigisha, bwira mwene data tugabane imyandu.”

14. Na we aramusubiza ati “Wa mugabo we, ni nde wanshyizeho kuba umucamanza wanyu, cyangwa ngo ngabanye ibyanyu?”

15. Arababwira ati “Mwitonde kandi mwirinde kwifuza kose, kuko ubugingo bw’umuntu butava mu bwinshi bw’ibintu bye.”

16.Nuko abacira umugani ati “Hariho umukungu wari ufite imirima irumbuka cyane,

17.nuko aribaza mu mutima we ati ‘Ndagira nte ko ntafite aho mpunika imyaka yanjye?’

18.Aribwira ati ‘Ndabigenza ntya: ndasenya urugarama rwanjye nubake urundi runini, abe arimo mpunika imyaka yanjye yose n’ibintu byanjye.

19.Ni bwo nzabwira umutima wanjye nti: Mutima, ufite ibintu byinshi bibikiwe imyaka myinshi, ngaho ruhuka, urye unywe, unezerwe.’

20.Ariko Imana iramubwira iti ‘Wa mupfu we, muri iri joro uranyagwa ubugingo bwawe. Ibyo wabitse bizaba ibya nde?’

21.“Ni ko umuntu wirundaniriza ubutunzi amera, atari umutunzi mu by’Imana.”



Nshuti ya NEMI,

Hari ikintu kigezweho none ariko unarebye na kera hose n’ubundi cyahozeho. ni ukwirengagiza imiryango yacu, ubuzima bwacu, dushaka ubutunzi bw’isi ndetse n’ibyo twita ko ari kubaho neza.

Benshi muri twe twizera ko ubutunzi nyabwo ari ukugira amafranga menshi cyane yatugurira buri kimwe cyose twifuza, ndetse ko mu gihe umuntu nta mafranga afite rwose aba ari umukene cyane.

Imana ibona abantu bamwe na bamwe hano ku isi nk’abantu basajijwe no gushaka amafranga, ndetse ushatse wavuga ko ariyo bafata nk’ imana yabo.

Aba bantu baba bumva bayashaka, bakayabona, bakayakoresha ibyo bashaka, bakayabika kandi bakababara cyane mu gihe ntayo bafite cyangwa bakayashakisha mu buryo budakwiriye.

Ibyo byose birangira bibashyize mu kaga nko kubikirwa imbehe, gutakarizwa icyizere mu muryango wawe, urugo rwawe ndetse no ku gihugu cyawe, cyangwa bikaba bya kwinjiza mu gihome( Gereza).

Uburyo Imana ibona ubutunzi,nuko twabona amafaranga tukagura ibyo dukeneye ubundi tukanafasha abandi. Ubutunzi ntago ari ubwo guhimbaza ahubwo Imana niyo yo guhimbaza.

Imana iratuburira kugira ngo tugire ubwenge mu gihe dushakisha ubutunzi n’amafranga kuko bishobora gutuma tuyibagirwa, kandi bikaba byanaduteranya nayo.

Imana ivuga ko ariyo ikwiye kuba izingiro ry’ubuzima bwacu atari amafranga.

Umutekano wacu tureke kuwushakira mu mafranga ahubwo tuwushakire mu Ijambo ry’Imana.

Yego nta muntu n’umwe ukingiwe gukunda amafranga, ariko ukeneye gusaba Imana ko yagufasha mu bintu byose uri gutekereza kugira ngo bitaza kubangama.

Imana idufashe..!

Nibintije Evangelical Ministries International (NEMI)
nemevangelism@yahoo.com
+14123265034(WhatsApp)

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble munyemana

    Urakoze pastor.Reka nkunganire.Nibyo koko,abantu aho gushaka Imana,bashaka amafaranga,shuguri,politike,etc...Nkuko tubisoma muli Zefaniya 2:3,Imana ubwayo idusaba ko tuyishaka,aho gushaka gusa ibyisi.Ndetse henshi muli Bible,havuga ko abakunda ibyisi bagakabya,bizatuma batabona ubuzima bw’iteka muli paradizo.Tuge twibuka ko kwibera mu gushaka ibyisi gusa,aribyo byatumwe millions nyinshi z’abantu bo ku gihe cya Nowa Imana ibarimbura.Hakarokoka gusa abantu 8 bababwirizaga ibyerekeye Imana bakanga kumva.Yesu wavuze iyo nkuru,yavuze ko ariko bizagenda ku munsi wa nyuma utari kure.

    4 months ago
  • chat_bubble

    tumenyeko imana .ariyoyonyine yogushakwa gusa niyo. ifite .igisubizo

    4 months ago

Inzindi nkuru

Saudi Arabia yabujije abanyamahanga kuzajyayo mu mutambagiro...

Igihugu cya Arabia Saoudite cyategetse ko uyu mwaka nta banyamahanga...
23 June 2020 Yasuwe: 215 0

Ihuriro ry’amadini n’amatorero mu Rwanda ryashyize hanze amabwiriza akarishye...

Abayobozi b’lbihuriro ry’impuzamiryango y’Amadini, Amatorero na Kiliziya...
11 June 2020 Yasuwe: 3807 4

Burundi: Ndayishimiye uherutse gutsinda amatora yabyukiye mu kiliziya...

Kuri iki cyumweru,Ndayishimiye Evariste uherutse gutorerwa kuyobora...
7 June 2020 Yasuwe: 9357 0

Kiliziya Gatolika yatangaje ko yaciye Itsinda ry’Intwarane rigizwe...

Ubuyobozi bwa Kiliziya Gatolika,bwashyize hanze itangazo rivuga ko...
30 May 2020 Yasuwe: 2252 1

Nkusi Thomas wamenyekanye mu Gasobanuye nka Yanga yahishuye ukuntu Imana...

Icyamamare mu gusobanura Filimi mu Kinyarwanda Nkusi Thomas uzwi nka Yanga...
21 May 2020 Yasuwe: 12352 2

IJAMBO RY’UMUNSI: IMPANO NEMI YEGENEYE ABAMAMA-Rev.Nibintije

Nshuti zanjye, Nshuti zanjye z’ Abamama mwakire impano ( GIFT) yanyu...
11 May 2020 Yasuwe: 699 0