Kigali
startimes

Gatsibo: Umugeni yangiwe gusezerana muri ADEPR kubera imisatsi isutse y’abari bamugaragiye

Ubuzima   Yanditswe na: Dusingizimana Remy 17 August 2019 Yasuwe: 5285

Umwarimu w’Itorero rya ADEPR ku mudugudu wa Nyabigega mu Murenge wa Kiziguro mu Karere ka Gatsibo, yanze gusezeranya abayoboke be nyuma yo kubona bamwe mu bari bambariye umugeni harimo abadefirije, abambaye urunigi ndetse n’undi ufite imisatsi isutse.



Kuri uyu wa Gatanu nibwo Rudasingwa Jean Pierre na Mukundimana Yvonne bafitanye abana babiri babanaga mu buryo butemewe n’amategeko bangiwe gusezerana imbere y’Imana kubera abari baherekeje uyu mugore.

Nyuma y’aho aba bombi biyemeje gusezerana imbere y’amategeko, bangiwe gusezerana imbere y’Imana n’umwarimu wabo nyuma yo kubona bamwe mu bakobwa bambariye umugeni bafite imisatsi isutse.

Umwarimu muri ADEPR ku mudugudu wa Nyabigega wari busezeranye uyu muryango yakubise amaso abaje baherekeje umukobwa ngo ahita ahaguruka afata indangurura majwi abwira abaraho ati “Nyuma yo kubona inigi umugeni n’abamuherekeje bambaye, nkabona ibisuko bafite nsanze ibi bintu mu itorero ryacu tutabyemera niyo mpamvu mpisemo guhagarika ubu bukwe.”

Abari aho baguye mu kantu, ndetse ngo uwo mukozi w’Imana yahise ahagurukana n’abandi benshi basengana bahita bigendera. Imihango yo gusaba irangira ityo abantu bakiri mu mayira abiri.

Bamwe mu batashye ubu bukwe babwiye IGIHE dukesha iyi nkuru ko batunguwe no kumva pasiteri ahagarika ubukwe kubera urunigi n’ibisuko by’abari bambariye umukobwa ndetse ngo akanategeka abakristu baraho mu bukwe bo muri ADEPR kwitahira.

Umwe yagize ati “Natunguwe cyane ntabwo nari nziko ADEPR igira amategeko akakaye kuriya, nibura iyo areka ubukwe bukabanza bukarangira akazabahagarika nyuma.”

Abari aho ngo bahise bajya inama bitabaza abandi bapasiteri bo muri ADEPR muyindi midugudu, umwe abemerera kubasezeranya ndetse n’ibirori birakomeza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Triphine

    Ni hatari mu kanya ngo ni mwarimu w itorero wanze kubasezeranya mu kandi kanya Ngo ni Pasteur. Mu kanya ngo ni ugusezerana mu kandi kanya ni ugusaba. Mujye mutanga amakuru yacukumbuwe neza mureke kutuvangavanga mu mutwe mukurikiwe n abantu bazi gusoma no gushishoza.

    August 2019
  • chat_bubble Jjizilatous

    Naravuze ririya si itorero,iyo bamuha amafaranga se???ko ariyo yari ashaka?

    August 2019

Inzindi nkuru

Urusamagwe rwariye umurinzi warwo arapfa nyuma yo kubura ubutabazi

Mu gihugu cy’Ubusuwisi haravugwa inkuru ibabaje y’umugore ucunga ahororerwa...
5 July 2020 Yasuwe: 2492 0

Umwana wavutse adafite amaguru n’amaboko yatumye isi yose igwa mu kantu...

Mu gihugu cy’Ubuhindi haravugwa umwana utangaje wavutse adafite amaguru...
5 July 2020 Yasuwe: 3529 0

Abongereza banyoye agasembuye kenshi kabakoza isoni nyuma y’iminsi 104...

Ibihumbi by’Abongereza bakunda agasembuye kuri uyu wa Gatandatu baramukiye...
5 July 2020 Yasuwe: 3083 1

Umugabo wayoboraga urubyiruko mu itorero yishwe azira gusambanya umugore...

Umuyobozi w’urubyiruko mu rusengero ruherereye ahitwa Lumakanda mu ntara ya...
3 July 2020 Yasuwe: 2617 0

Abakozi ba UN bahagaritswe bazira gufatwa amashusho bari gusambanira mu...

Umuryango w’abibumbye (ONU/UN) washyize mu kiruhuko kidahemberwa abakozi...
3 July 2020 Yasuwe: 1950 0

Idubu riherutse gukomeretsa bikabije umwana na se ryakatiwe igihano...

Idubu ryo mu gihugu cy’Ubutaliyani riherutse gukomeretsa bikabije umugabo...
1 July 2020 Yasuwe: 2124 0