Kigali

Umugore wabyaye abana 44 ku myaka 36 abayeho mu buzima bushaririye yatewe n’umugabo we babyaranye akajya kwishakira abandi bagore [AMAFOTO]

Ubuzima   Yanditswe na: Dusingizimana Remy 26 April 2019 Yasuwe: 6425

Umugandekazi witwa Mariam Nabatanzi w’imyaka 36 ufite agahinda kenshi ko kurera abana 38 asigaranye nyuma y’aho umugabo bababyaranye amutaye akigira kwishakira abandi bagore.



Uyu mugore utuye mu mudugudu wa Kasawo mu karere ka Mukono mu Burasirazuba bwa Kampala,avuga ko yikoreye umutwaro uremereye wo kurera aba bana 38 ari wenyine nyuma yo gutereranwa n’umugabo we babyaranye.

Uyu mugore waciye agahigo ko kubyara abana 44 ku myaka 36,afite umutwaro uremereye wo kurera aba bana yatangiye kwibaruka ubwo yari afite imyaka 12 y’amavuko.

Mariam kuri ubu ufite imyaka 39,yabyaye impanga inshuro 6,abyara abana 3 inshuro 4 ndetse abyara abana 4 inshuro 3,izindi nshuro zisigaye abyara umwana umwe.Mariam yashakanye n’uyu mugabo we ku myaka 12 we afite imyaka 40.

Akimara gushaka yahise abyara impanga inshuro 2 zikurikiranya ahita ajya kwa muganga kwifungisha,gusa ntibyamukundira kuko muganga yamubwiye ko afite nyababyeyi nini bidasanzwe ko bishobora kumubyarira ibibazo birimo urupfu aramutse yifungishije.

Mariam yabuze icyo akora asubira mu rugo abyara abana kugeza ubwo yujuje 44 gusa ubu afite 38 gusa kuko 6 bapfuye.

Ku myaka 23,Mariam yari amaze kugira abana 25 arongera asubira kwa muganga kwifungisha biranga,abwirwa ko aramutse yibeshye akareka kubyara,nyababyeyi ye nini cyane yamuhitana.

Imbyaro ze ziheruka yazigiriyemo ibibazo bikomeye ariyo mpamvu ngo atifuza kuzongera kubyara ukundi kuko ngo ibyo yaboneye mu buzima ari agahinda gusa cyane ko kuri ubu umugabo we amaze imyaka 3 yaramutaye.

Mariam yagize ati “Nakuriye mu buribwe gusa,umugabo wanjye yambereye ikigeragezo.Ubuzima bwanjye bwose nabumaze nkoresha imbaraga kugira ngo mbone igitunga umuryango wanjye.”

Kubera ko afite abantu benshi agaburira,Mariam akora imirimo itandukanye irimo gusuka imisatsi,gukora imitako,gucuruza inzoga z’inkorano,ni muganga wa gakondo ndetse bamwe mu bana be birirwa bahiga ibyuma byo kugurisha.Ku munsi umwe abana ba Mariam nawe barya ibiro 25 bya kawunga.

Amafaranga Mariam akorera yose ashirira mu guhaha,kugura imyenda,kuvuza abana ndetse no kubarihira amashuli.

Umuhungu wa Mariam mukuru witwa,Ivan Kibuka yavuye mu ishuli niwe ufasha nyina kurera barumuna be 37.

Mariam yabayeho mu buzima bugoye kuko nyina yamutaye amaze iminsi 3 avutse,se ashaka undi mugore wari mubi cyane, waje kurogera mu biryo bakuru be 5 bose barapfa.Yarokotse kubera ko yari yagiye gusura abaturanyi.

Kubera kubyara abana benshi,abana be bato 12 nibo baryama ku bitanda abandi bose barara kuri sima kubera ubukene.

Mariam yabwiye abanyamakuru ko kuva yabaho atarigera na rimwe yishima ariko ngo icyifuzo cye ni uko aba bana bose yabyaye bazakura bakabaho mu buzima bwiza ntibazamukurikize.







Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugabo yakase amatwi umugore we amuziza kumuca inyuma

Umunya Kenya witwa Joseph Simiyu Wafula yatawe muri yombi ashijnjwa...
14 November 2019 Yasuwe: 2771 0

Umugabo n’abagore be 28 bafite abana 111 akaba agiye gushaka undi...

Umugabo witwa Shadreck Chimbare w’imyaka 53 akaba ari n’uwahoze mu ngabo mu...
14 November 2019 Yasuwe: 3662 1

USA :Inka 3 zatwawe mu nkubi y’umuyaga zabonetse ari nzima

Inka eshatu zari zatwawe zikava ku kirwa cyo muri leta ya Carolina...
14 November 2019 Yasuwe: 3064 0

Umwana w’umukobwa w’imyaka 10 yatewe Inda na musaza we w’imyaka...

Umwana w’umukobwa uri mu kigero cy’imyaka 10 y’amavuko, byagaragaye ko atwite...
13 November 2019 Yasuwe: 4631 0

Umugabo wo muri Kenya yatunguye benshi nyuma yo kwiburanira mu rukiko...

Umugabo wo muri Kenya witwa William Okumu yabonye ubwigenge nyuma yo...
13 November 2019 Yasuwe: 5280 0

Umukobwa w’imyaka 19 yabyariye mu kabyiniro mu masaha y’urukerera

Umukobwa wari waraye mu kabyiniro atwite,yatunguwe n’ibise mu masaha ya saa...
13 November 2019 Yasuwe: 3457 0