Umukinnyi yaciye ibintu kubera ibitangaza yakoze nyuma yo kuvunika ivi
Yanditswe: Sunday 23, Feb 2020
Umukinnyi w’umugore ukina muri shampiyona ya Scotland yaciye ibintu hirya no hino ku isi kubera ukuntu yavunitse ingasire y’ivi rye igahindukira akarwana inkundura ayigarura arangije akomeza gukina ntiyasimburwa.
Kapiteni w’ikipe ya St Mirren WFC witwa Jane O’Toole yahuye n’uruva gusenya ubwo mu mukino bahuragamo n’ikipe ya Inverness Caledonian Thistle y’abagore,yagonganye n’umukinnyi mugenzi we ari mu kirere ahita yikubita hasi ivi rye rirahindukira.
Uyu mugore yanze guhita ahamagara abaganga arwana n’ivi rye ryari rimaze guhindukira riragaruka arangije arahaguruka akomeza gukina.
Nkuko amashusho yashyizwe hanze n’ikipe ye abigaragaza, byatangiye bigaragara ko bidakanganye ariko nyuma yo kugaragaza ivi rye ryahindukiye benshi bahise bipfuka mu maso.
Jane yakomeje gukinira ikipe ye ntiyasimburwa gusa ntibyamuhiriye kuko ikipe ye yari yatsinzwe ibitego 6-0.
Leave a Reply
Your email address will not be published. Required fields are marked *