startimes
Kigali
startimes

Umuturage yahaye Perezida Magufuli ishimwe ry’isake amutegeye mu nzira [AMAFOTO]

Ubuzima   Yanditswe na: Dusingizimana Remy 30 July 2020 Yasuwe: 3557

Umukuru w’igihugu cya Tanzania, John Pombe Magufuli yahawe ishimwe ry’isake n’umuturage ,ubwo yari mu nzira asubira inyuma avuye ku bikorwa byo gushyingura uwahoze ari umukuru w’icyo gihugu, Benjamin Mkapa.


Sponsored Ad


Perezida Magufuli yahawe iryo shimwe ubwo yahagarara ku muhanda kugira ngo asuhuze abatuye mu gace ka Somanga mu majyepfo ya Tanzania bari bamutegerereje ku muhanda.

Uyu muturage yari ku muhanda ari kumwe n’abandi bari bamutegereje,abwira Perezida ko iryo shimwe yagashyira mama we kubera ko yamureze neza.

Benjamin Mkapa wabaye Perezida wa gatatu wa Tanzania yashyinguwe mu rugo rwe ahitwa Lupaso mu gace ka Mtwara, mu muhango witabiriwe n’ibihumbi by’abaturage ku munsi w’ejo tariki ya 29 Nyakanga 2020.

Mkapa wari ufite imyaka 81 yitabye Imana ku wa 24 Nyakanga azize uburwayi bw’umutima, agwa mu bitaro bya Dar Es Salaam.

Yayoboye Tanzania kuva mu 1995 kugera mu 2005, asimburwa na Jakaya Mrisho Kikwete. Mkapa yasimbuye Ali Hassan Mwinyi we wabanjirijwe na Julius Nyerere.

Mwinyi w’imyaka 95 witabiriye ishyingurwa rya Mkapa, yavuze ko yaharaniye guteza imbere imibereho y’abaturage be, amusabira imbabazi ku bo yaba yarahemukiye bose. Yakomeje ati “Uruhukire mu mahoro muvandimwe.”

Perezida John Magufuli yabwiye abaherekeje Mkapa ko yakundaga igihugu cye, ko abantu bakwiye kuvana amasomo menshi ku buzima bwe.

Yakomeje ati “Guverinoma ya Tanzania yari yarashyizeho ahantu hihariye ababaye abakuru b’ibihugu bazajya bashyingurwa muri Dodoma, ariko mu myaka itatu ishize Benjamin Mkapa yarabyanze maze avuga ko azashyingurwa i Lupaso, yakundaga urugo rwe.”

Kikwete we yagaragaje Mkapa nk’umuyobozi warwanyije ubukene ku rwego rukomeye, akaba ari umwe mu batumye ubukungu bwa Tanzania bugera ku rwego rukomeye.

Nyuma y’urupfu rwe, u Rwanda rwihanganishije Tanzania ndetse Perezida Paul Kagame ategeka ko habaho iminsi itatu y’icyunamo, ibendera ry’u Rwanda ryururutswa kugeza hagati guhera ku wa Mbere tariki 27 Nyakanga 2020 kugeza kuri uyu wa Gatatu tariki 29 Nyakanga 2020.

Ni icyemezo cyafashwe "mu rwego rwo kwifatanya n’igihugu cy’abavandimwe cya Tanzania mu bihe by’akababaro byo kubura uwahoze ari Umukuru w’Igihugu".



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Umuyobozi w’ishuri yakubitiye ku karubanda umugabo wazanywe ku...

Umuyobozi w’ishuri mu gihugu cya Tanzania,yaciye ibintu hirya no hino kubera...
1 August 2020 Yasuwe: 3349 0

Abantu 9 bapfuye bazize kunywa umuti bakaraba mu ntoki nyuma yo kubura...

Mu gihugu cy’Ubuhindi haravugwa inkuru ibabaje y’abantu 9 bapfuye bahitanywe...
31 July 2020 Yasuwe: 3144 0

Zambia: Minisitiri w’Uburezi yirukanwe ku kazi azira amashusho yamugaragaje...

Hon. David Mabumba wari minisitiri w’Uburezi mu gihugu cya Zambia yirukanwe...
30 July 2020 Yasuwe: 3908 0

Umuturage yahaye Perezida Magufuli ishimwe ry’isake amutegeye mu nzira...

Umukuru w’igihugu cya Tanzania, John Pombe Magufuli yahawe ishimwe ry’isake...
30 July 2020 Yasuwe: 3557 0

Burundi: Umukobwa wari mu kizamini cya Leta yabyariye mu bwiherero nyuma...

Umunyeshuri wo mu Burundi witwa Evelyne yibarukiye mu kigo yakoreragamo...
29 July 2020 Yasuwe: 3498 0

Cameroon : Habonetse umugabo ufite abagore 100 n’abana 500

Mu majyaruguru ashyira uburengerazuba bw’igihugu cya Cameroon habarizwa...
27 July 2020 Yasuwe: 3474 0