Umupolisi w’ahitwa Louisiana muri Amerika yavuze ko yakiriye ubutumwa buteye ubwoba bw’umugabo hanyuma bageze iwe basanga yapfuye we n’umugore we n’abana.
Umupolisi wa Jefferson Parish Switwa Joe Lopinto yavuze ko yakiriye telefoni ya Tim Ragas ku biro bya polisi mu gitondo yo ku wa kane,tariki ya 09 Gashyantare 2023,iburira ko hari ubwicanyi bugiye gukorerwa mu rugo rumwe.
Lopinto yavuze ko ubwo butumwa bwavugaga buti "Ntitwakomeza kubaho gutya.Muraza kubona imirambo 4 nimugera hano."
Ubwo (...)

Sponsored Ad

Umupolisi w’ahitwa Louisiana muri Amerika yavuze ko yakiriye ubutumwa buteye ubwoba bw’umugabo hanyuma bageze iwe basanga yapfuye we n’umugore we n’abana.

Umupolisi wa Jefferson Parish Switwa Joe Lopinto yavuze ko yakiriye telefoni ya Tim Ragas ku biro bya polisi mu gitondo yo ku wa kane,tariki ya 09 Gashyantare 2023,iburira ko hari ubwicanyi bugiye gukorerwa mu rugo rumwe.

Lopinto yavuze ko ubwo butumwa bwavugaga buti "Ntitwakomeza kubaho gutya.Muraza kubona imirambo 4 nimugera hano."

Ubwo abapolisi bageraga Harvey muri Louisiana aho iyi telefoni yahamagariye bahasanze imirambo irimo uwa Tim Ragas w’imyaka 43,umugore we w’imyaka 45,Joanna Ragas, umwana wabo w’imyaka 20 witwa Eric Thorneblom n’umuhungu wabo w’imyaka 13,Timothy Ragas.

Aba bapolisi bavuze ko babonye ubutumwa n’imbunda bikekwa ko aba bantu bishwe ndetse bikekwa ko ari ubwicanyi bwo kwiyahura.

Lopinto yavuze ko aba bose basanzwe bishwe n’amasasu gusa avuga ko bitaramenyekana niba ari umuntu umwe warashwe.

Uyu yavuze ko bishoboka ko uyu mugabo n’umugore babipanze ariko hagomba gukorwa iperereza ngo hamenyekane niba atari undi mugizi wa nabi wabishe.

Uyu mugabo wirashe ngo yari asanzwe ari umunyamategeko.