Imibare ya Minisiteri y’Uburinganire muri Uganda yerekana ko mu bakobwa 1682 batewe inda mu mwaka wa 2020 batarageza ku myaka 18 gusa, 200 muri bo bazitewe na ba Se bababyara.

Abakobwa bakorerwa na ba Se ihoterwa rishingiye ku gitsina bakomeje kwiyongera muri Uganda kuko bavuye kuri 90 mu 2019 bakagera kuri 451 mu 2020.

Umukozi ukora mu byerekeranye n’iyi mibare ya Minisiteri y’Uburinganire muri Uganda utatashatse ko amazina ye atangazwa, yabwiye The Daily Monitor dukesha iyi nkuru ko “Imibare y’abterwa inda na ba Se ikwiriye kwegeranywa kuko ngo inyanyagiye muri polisi no mu bigo nderabuzima n’ahandi.”