skol

Abakongomani batunguwe n’icyuma kidasanzwe cyaguye mu ishyamba giturutse mu kirere[AMAFOTO]

Ad Restricted   Yanditswe na: Martin Munezero 28 August 2020

Ku wa 24 Kanama 2020, muri Teritwari ya Buta mu Ntara ya Bas Uele muri RDC, Abakongomani ntibasobanukiwe ubwo icyuma kidasanzwe cyamanukaga kikagwa mu ishyamba ryaho, abenshi muri bo batangira kwibaza icyo ari cyo ndetse na nyiracyo.

Nk’uko itangazo rya Visi Guverineri wa Bas Uele, Jean Fidele Tengbuti Mambe ribivuga, iki cyuma cyaguye mu masaha ya saa saba z’amanywa, kigwa ku butaka buri mu bilometero 7 uvuye mu gace ka Peka5. Yasobanuye ko akamaro k’iki gikoresho ari ugukwirakwiza interineti mu bice by’icyaro.

Abantu batatu bakorera ikigo cy’ubutwazi bwo mu kirere barimo Umunya-Pakisitani, Khan, n’Abakongomani barimo uwitwa Justin na Pauline bari bigambye ko iki cyuma ari icyabo. Hari amakuru avuga ko aba bafunzwe bazira kucyiyitirira.

Abahanga ndetse n’abayobozi bakuru batamenye nyir’iki gikoresho, bashatse uburyo bushoboka bwose bwatuma bamenya nyiracyo, burimo kureba mu bubiko bw’amakuru bwacyo (data base).

Nyuma byaje kumenyekana ko iki gikoresho kimeze nk’icyogajuru ari icy’ikigo cya Google, nyuma y’aho kuri uyu wa 26 Kanama 2020, Ikigo cy’Igihugu gishinzwe indege za gisivile cyatangaje ko iki kigo cy’ikoranabuhanga cyo muri Leta Zunze Ubumwe z’Amerika kigomba kujya kugifata.

Iri tangazo ryasohotse nyuma y’ubwumvikane bwa Google na leta ya RDC, rimenyesha Guverineri wa Bas Uele kwemerera itsinda ry’ikigo gishinzwe ingendo cya Jeffrey Travel gufata iki cyuma, kandi akariha ubufasha bushoboka, byose bikahava mu mutekano usesuye rigira riti:

Guverineri, ndakumenyesha ko itsinda ryoherejwe na Jeffrey Travel kugira ngo rifate iki cyuma, kikaba ari icy’ikigo cya Google/Loon. Iki kigo cyasinye amasezerano y’ubwumvikane na RDC acyemerera kohereza itsinda ryo kujya gutwara iki cyuma cyananiwe kugenda, kikagwa muri iriya Teritwari.

Mbere y’uko iki kigo gitanga uburenganzira bwo gukura iki cyuma muri Buta, kikanasobanura ba nyiracyo, abahanga bari batangiye kwibaza icyo cyakoraga mu kirere cya Buta, bamwe bakeka ko cyakoraga ubutasi.

Nka Prof. Kabasele, umuhanga mu bumenyi bw’ibyoga ikirere we ntiyumvaga uko iki cyuma cyaba cyaraguye muri iyi Teritwari, ngo ahubwo ba nyiracyo baba baragishyizeho ku bushake. Ati:

Kubera iki babikoze? Ese bari bagamije iki, ni mushinga ki bari bafite?

Yibazaga niba inzego z’ubutasi za Repubulika Iharanira Demukarasi ya Congo na Guverinoma ubwayo, baba baramenye iby’iki cyuma kitaragwa muri Buta.

Google isobanura ko icyuma cya ‘Balloon Loon’ cyakorewe kuzenguruka mu kirere gitanga interineti nziramugozi (wireless internet), cyane cyane mu cyaro, aho batayifite.


Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble MKOBMBOZIEMY

    wasang ar icya arien

    August 2020

Inzindi nkuru

Hagaragajwe ubusumbane bukabije mu ikwirakwiza ry’inkingo za...

Ishami ry’Umuryango w’Abibumbye ryita ku Buzima (OMS), ryagaragaje ubusumbane...
10 April 2021 0

Nyanza:Tuyizere Xavier ufite abana 3 na Mayira Thierry baguye mu mwobo...

Kuri uyu wa Gatanu ahagana saa Tatu z’igitondo, abagabo babiri bo mu Murenge...
10 April 2021 1

AU yahagaritse kugura inkingo za AstraZeneca ijya mu biganiro byo kugura...

Umuryango wa Afurika yunze Ubumwe wahagaritse gahunda yo kugura inkingo za...
10 April 2021 0

Nyakabanda:Ikosa rimwe gusa ryari ritumye ahira munzu n’abaturanyi be...

Umusore w’ingaragu wibana utuye mu Mudugudu wa Gapfupfu, Akagali ka...
10 April 2021 0

Bamporiki Edouard yasabye urubyiruko kumenya u Rwanda bakaruzirikana mu byo...

Umunyamabanga wa Leta muri Minisiteri y’Urubyiruko n’Umuco, Bamporiki...
10 April 2021 0

Kaminuza y’u Rwanda yatangaje igihe umwaka w’amashuli 2020/2021...

Nyuma y’igihe abanyeshuli biga biga muri kaminuza y’u Rwanda bategereje igihe...
10 April 2021 0