Abavandimwe 2, Mr Francis na Ubong barohamye mu mazi bagiye mu butembere bo n’umuryango wa Ubong Ekpe, bashyinguwe kuri uyu wa Gatanu tariki ya 4 Gicurasi 2018, mu gace ka Uyo muri Nigeria. Nk’uko ibinyamakuru byinshi byo muri Nigeria byakomeje kugenda bigaruka ku rupfu rw’aba bavandimwe bombi, rwabaye ku itariki ya 8 Mata 2018, Ubong Ekpe wari uhagarariye The Skye Bank muri Nigeria, yari yasohokanye n’umugore we n’abana babo bane ku mwaro wa Ibeno aho banaherekejwe na Francis, murumuna wa (…)

Abavandimwe 2, Mr Francis na Ubong barohamye mu mazi bagiye mu butembere bo n’umuryango wa Ubong Ekpe, bashyinguwe kuri uyu wa Gatanu tariki ya 4 Gicurasi 2018, mu gace ka Uyo muri Nigeria.

Nk’uko ibinyamakuru byinshi byo muri Nigeria byakomeje kugenda bigaruka ku rupfu rw’aba bavandimwe bombi, rwabaye ku itariki ya 8 Mata 2018, Ubong Ekpe wari uhagarariye The Skye Bank muri Nigeria, yari yasohokanye n’umugore we n’abana babo bane ku mwaro wa Ibeno aho banaherekejwe na Francis, murumuna wa Ubong ariko ntibyabahira kuko byaje kurangira babiri muri bo babavuyemo.

Ubwo umugore wa Ubong yari kumwe na murumuna w’umugabo we n’abana babo bane, bicaye ku mwaro bari kurya, Ubong yagiye mu mazi ngo abe yiyogera, gusa hashize umwanya utari munini ntibongera kubona azamuka hejuru ku mazi, ni ko kumenyako ahuye n’ikibazo cyo kurohama.

Francis ubwo yajyaga kumushakisha bwangu ngo amutabare amukuremo, nti byamugendekeye neza kuko na we yahise aheramo, hasigara umugore n’abana be bane bari bajyanye ubwoba burabataha induru bayiha umunwa, gusa polisi ihagera n’ubundi byarangiye.

Ku munsi w’ejo ku wa Gatanu rero ni ho aba bombi baherekejwe mu cyubahiro mu gace ka Uyo.