. Mu gihugu cya Ghana, abantu bishyize hamwe bakora itsinda ryo kuririra uwapfuye bakabishyura
. Bakoze umushinga utamenyerewe wo kuririra uwapfuye bakabishyura

Mu gihugu cya Ghana, haravugwa inkuru y’abantu bishyize hamwe bashinga amatsinda yo kuririra abapfuye mu gihe cyo gushyingura, bakishyurwa ngo kuko basanga hari abo bigora cyane kurira muri biriya bihe.

N’uko iyi nkuru dukesha BBC Africa abisobanura neza, ngo mu gihugu cya Ghana, bitewe n’uko kuririra uwapfuye mu gihe bamushyingura bigaragaza urukundo n’agahinda batewe no kubura yumuntu wabo, muri iki gihugu hamaze gushingwa amatsinda menshi ashinzwe gukora uyu murimo wo kurira mu gihe cyo gusezera kuri nyakwigendera maze umuryango wabuze uwabo ukabishyura.

Kuri ubu rero abadashoboye kurira, ngo babasha kwitabaza amwe muri aya matsinda akaza kubaririra, aho amarira yabo ahabwa agaciro bitewe n’uwapfuye uko yari yifite cyangwa se umuryango wabitabaje uko uhagaze ku rwego rw’ubukungu, bivuzeko nta giciro gihamye kiriho cyishyurwa abaririye uwapfuye kuri aya mashyirahamwe abikora kinyamwuga.

Ami Dokli, uhagarariye rimwe muri aya mashyirahamwe yo kuririra uwapfuye ntabone abe bo kumuririra, yabwiye BBC Africa ko akenshi usanga aya mashyirahamwe yishyurwa, agizwe n’abagore b’abapfakazi.