Kuri iki Cyumweru, abashinzwe ubuzima mu gihugu cya Afurika y’iburengerazuba, Nigeria, bemeje ko abantu babiri bajyanwe mu bitaro i Lagos bazira kunywa bakarenza urugero uyu muti urwanya Malariya Perezida Trump yavuze ko ushobora Coronavirus.

Sponsored Ad

Ikigo cyo muri Nigeriya gishinzwe kurwanya indwara cyihanangirije abaturage kwirinda kwivuza ubwabo bakoresheje uyu muti na n’ubu ugikomeje gupimwa ngo barebe ko ukora neza n’ingaruka zawo. Iki kigo cyanditse kuri Twitter kigira kiti:

“[World Health Orgniazation] ntabwo iremera ikoreshwa rya chloroquine mu kugenzura no kuvura # COVID19. Abahanga barimo gukora cyane kugira ngo hemezwe umutekano ku miti inyuranye yakoreshwa mu kuvurai iyi ndwara.”

Oreoluwa Finnih, Umujyanama mukuru w’ubuzima wa Guverineri wa Lagos, na we yabwiye Abanyanijeriya “kutagira ubwoba” bakareka gukoresha uyu muti wa Chloroquine. Finnih yatangarije igitangazamakuru Bloomberg ati:“Chloroquine iracyari mu cyiciro cyo kugeragezwa ifatanije n’indi miti kandi ntabwo yagenzuwe nk’uburyo bwo kwirinda cyangwa kuvura iyi ndwara”.

Ku wa Gatandatu, Perezida Trump yanditse kuri Twitter agira ati“HYDROXYCHLOROQUINE & AZITHROMYCIN, yafatiwe hamwe, bifite amahirwe nyayo yo kuba kimwe mu bintu bikomeye mu mateka y’ubuvuzi.”

Yongeyeho ko FDA “yakoze uko ishoboye” kandi ko twizeye ko ubwo buvuzi “buzashyirwa mu bikorwa ako kanya.”

Nigeriya yatangaje ko abantu 27 banduye COVID-19 kuko imaze gukwirakwira ku bantu barenga 300.000 ku Isi yose, nk’uko imibare yo muri kaminuza ya John Hopkins ibigaragaza.