Miss Heritage 2018 Dushimimana Lydia yatangaje ko ari mu rukundo na Chris.

Nyampinga w’umuco watowe mu irushanwa rya Miss Rwanda 2018 Dushimimana Lydia yemeje ashize amanga ko nyuma y’irushanwa ryo gutora umukobwa uhiga abandi ubwiza ndetse n’uburanga [ Miss Rwanda ] yabonye umukunzi .

Kuri uyu wa Gatatu taliki ya 12 Nzeri 2018 , Nibwo Dushimimana Lydia yabwiye itangazamakuru ko afite umukunzi gusa bataramarana igihe kinini. aha uyu mukobwa yatangaje ko umukunzi we bahuye nyuma y’uko avuye mu irushanwa rya Miss Rwanda 2018.

Yabajijwe amazina y’uyu musore bakundana atangaza ko ku bwe atayatangaza gusa yongera gushimangira ko icy’ingenzi ari uko abantu bagomba kumenya ko afite umukunzi kandi bakundana.

Ugiye ku mbuga nkoranyambaga uhita usanga amafoto yose yagaragazaga uyu musore Lydia yahise ayasiba naho uyu musore we mu rwego rwo kwirinda ko itangazamakuru rimutahura ahita agira urukuta rwe rwa Instagram ibanga ku buryo rwinjirwamo nuwo yamaze guha uburenganzira.