Ad Restricted
Imigenzo imana zo mu buhinde zakoreye ku bagore bashakaga urubyaro aho zagendaga zinabakandagira baryamye hasi byatangaje isi yose(AMAFOTO+VIDEO)
Yanditswe: Friday 14, Jul 2017
Sponsored Ad
Mu munsi mukuru wo kwizihiriza imana zitanga urubyaro mu gihugu cy’Ubuhinde, abagore benshi bo muri iki gihugu bifuza kubyara baryamye hasi izo mana zibakoreraho imigenzo ikomeje kuvugisha no gutangaza imbaga nyamwinshi. imyizerere yabo rero ikaba ibemeza ko aya ari amahirwe bagize ko bashobora kubyara.
Abagore bahuriye mu miryango yo mu bwoko bwa Andhra Pradesh, butuye mu Majyepfo y’igihugu cy’Ubuhinde, batangaza ko bishimira bidasubirwaho iki gikorwa ngarukamwaka kiba buri gihe mu kwezi (…)
Mu munsi mukuru wo kwizihiriza imana zitanga urubyaro mu gihugu cy’Ubuhinde, abagore benshi bo muri iki gihugu bifuza kubyara baryamye hasi izo mana zibakoreraho imigenzo ikomeje kuvugisha no gutangaza imbaga nyamwinshi. imyizerere yabo rero ikaba ibemeza ko aya ari amahirwe bagize ko bashobora kubyara.
Abagore bahuriye mu miryango yo mu bwoko bwa Andhra Pradesh, butuye mu Majyepfo y’igihugu cy’Ubuhinde, batangaza ko bishimira bidasubirwaho iki gikorwa ngarukamwaka kiba buri gihe mu kwezi kwa Karindwi, aho usanga imiryango yateranye igakorera ibirori abantu bafatwa nk’ibigirwamana byabo. Abagore bashaka kubyara rero ngo baryama hasi utwo tumana tukabaca hejuru ari ko kubaha umugisha.
Uyu muhango wizihirizwa ku rusengero rwa Lakshmi Narasimha Swami ruherereye mu karere ka Anantapur aho usanga umubare munini w’ababyitabiriye ari uw’abagore bashaka urubyaro.
Nubwo bigoye kumenya niba koko iyo izo mana zibakandagiye hejuru babona ibyo bashakaga, aba bagore baremera bakaryama hasi bubitse inda hanyuma zikabagenda ku migongo mu gikorwa kiba cyashungerewe n’imbaga y’abaturage.
Umuyobozi w’umujyi wa Manaksira ibi bikorwa bikunze kuberamo, Harilal Nayak, avuga ko ibi bikorwa mu moko menshi atandukanye mu gihugu nubwo usanga bafite uburyo babikoramo butandukanye.
Icyo gihe usanga imana zabo zidasa, aho ushobora gusanga hamwe ari nk’inyamaswa cyangwa itungo runaka bakorera imigenzo mu gihe aha ho haba hari abasaza batoranyijwe bahawe ubushobozi nk’ubw’imana.
REBA HASI VIDEO Y’IYI MIGENZO Y’IMANA ZO MU BUHINDE:
Ibitekerezo
Ibi birakabije
Ibi birakabije
mbega ,Imana yo mu ijuru ,Uwiteka Jambo wahozeho niwe ubitanga
Urubyaro rutangwa n’Imana yo mu ijuru gusa
Yewe ibi biratangaje pe abantu bataramenya ko yesu arumukiza.
Shimwa Yesu ko wampaye kukumenya.
roro Impore buriya na kera mu rwanda barabandwaga, kandi ibyo basabaga barabirinse