skol
Fortebet

Imvura idasanzwe yahitanye abantu barenga 300 muri Sierra Leone(AMAFOTO)

Ad Restricted   Yanditswe na: Martin Munezero 14 August 2017

Mu ijoro ryo ku wa Mbere rishyira ku wa kabiri mu murwa mukuru wa Sierra Leone mu mujyi wa Freetown no mu nkengero zawo hibasiwe n’imvura idasanzwe iteza inkangu n’umwuzure abantu basaga 300 bahasiga ubuzima abandi benshi bava mu byabo.

Umuryango utabara imbabare wa Croix Rouge watangaje ko imirambo y’abantu bagera kuri 300 bamaze kujyanwa mu buruhukirohe bw’ibitaro byo mu mujyi wa Freetown polisi ifatanyije n’urwego rwa gisirikare bakaba bari mu bikorwa byo gushakisha abaheze munsi y’itaka ryaturutse ku misozi rikitura ku mazu y’abantu.

Umuvugizi w’uyu muryango wa Croix Rouge ukorera muri iki gihugu yatangarije Reuters ko umubare w’abapfuye ukomeza kwiyongera umunota ku wundi ngo kuko hari benshi bataraboneka bagwiriweho n’amazu yabo abandi bakaba barohamye ndetse hakaba hari n’abo imisozi yamanukiyeho.

Visi Perezida w’iki gihugu Bwana Victor Foh yavuze ko igihugu gisa nicyacitse umugongo kuko ngo baburiye abantu benshi muri ibi biza kandi ko imibare ikaba ikomeje kwiyongera umunota ku wundi.

Yagize ati “Igihugu cyagushije ishyano,abantu ibihumbi n’ibihumbi bapfuye ku buryo bw’amaherere, inzu zagiye ’ amamodoka yagiye, mbese ni agahinda gusa..iki kiiza duhuye nacyo giteye ubwoba ku buryo buri wese atatekerezaga.Turi kugerageza gutabara abakiri bazima no gushakisha abaguyemo.”

Bamwe mu barokotse iki kiza baganiriye n’umunyamakuru wa Reuters bavuze ko ibyo babonye bidasanzwe ngo kuko imvura yaguye ari ubwa mbere bayibonye mu mateka yabo.Bamwe agahinda ni kose kubwo kubura ababo abandi babuze ibyabo ku buryo n’abarokotse bari buhure n’ikibazo gikomeye cyo kubura uko bazabaho.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hagaragajwe ubusumbane bukabije mu ikwirakwiza ry’inkingo za...

Ishami ry’Umuryango w’Abibumbye ryita ku Buzima (OMS), ryagaragaje ubusumbane...
10 April 2021 0

Nyanza:Tuyizere Xavier ufite abana 3 na Mayira Thierry baguye mu mwobo...

Kuri uyu wa Gatanu ahagana saa Tatu z’igitondo, abagabo babiri bo mu Murenge...
10 April 2021 4

AU yahagaritse kugura inkingo za AstraZeneca ijya mu biganiro byo kugura...

Umuryango wa Afurika yunze Ubumwe wahagaritse gahunda yo kugura inkingo za...
10 April 2021 0

Nyakabanda:Ikosa rimwe gusa ryari ritumye ahira munzu n’abaturanyi be...

Umusore w’ingaragu wibana utuye mu Mudugudu wa Gapfupfu, Akagali ka...
10 April 2021 0

Bamporiki Edouard yasabye urubyiruko kumenya u Rwanda bakaruzirikana mu byo...

Umunyamabanga wa Leta muri Minisiteri y’Urubyiruko n’Umuco, Bamporiki...
10 April 2021 0

Kaminuza y’u Rwanda yatangaje igihe umwaka w’amashuli 2020/2021...

Nyuma y’igihe abanyeshuli biga biga muri kaminuza y’u Rwanda bategereje igihe...
10 April 2021 0