Umuhanzi Jay Polly afungiye kuri burigade ya Remera akurikiranweho icyaha cyo gukubita no gukomeretsa umugore we Sharifa.

Umuhanzi Joshua Tuyishimire uzwi nka Jay Polly ku izina ry’ubuhanzi kuri uyu wa Gatanu Taliki ya 3 Kanama 2018 , yatawe muri yombi ni inzego z’ubugenzacyaha akurikiranweho icyaha cyo gukubita no gukomeretsa umugore we Sharifa babana nk’umugabo n’umugore.

Amakuru Dukesha Bwiza yaganiriye n’Umuvugizi w’Urwego rw’Igihugu rw’Ubugenzacyaha (RIB), Modeste Mbabazi yavuze ko Umuraperi Jay Polly yatawe muri yombi akurikiranweho icyaha cyo gukubita umugore we Sharifa.

Yagize ati “Oya nibyo Jay Polly yatawe muri yombi.”
Abajijwe impamvu yatawe muri yombi Umuvugizi wa RIB Modeste Mbabazi yasubije ko mu gihe batabaraga basanze yamukubise ndetse yamukuye amenyo abiri.

Ati: “Urwego rw’ubugenzacyaha rwabonye amakuru [….] turatabara dusanga ari gukubita umugore we amaze kumukura amenyo abiri.”

Kuri uyu wa gatandatu taliki ya 4 Kanama 2018 , ahagana saa 12:00 z’amanywa Jay Polly yagaragaye kuri station ya polisi ya Remera aje gukorerwa dosiye nyuma yo gutabwa muri yombi.