Umuraperi ukomeye mu gihugu cya Amerika Kanye West yibasiwe bikomeye n’umuraperi mugenzi we witwa Daz Dillinger wahamagariye amabandi yose yo muri Califonia guhaguruka agahiga Kanye West akamugirira nabi kubera ashyigikiye Donald Trump wanga abirabura.
Dillinger ushaka ko Kanye West agirirwa nabi ni mubyara w’umuraperi ukomeye cyane muri Amerika Snoop Dog nawe wanga urunuka perezida w’Amerika Donald Trump.
Ku cyumweru taliki ya 29 Mata 2018 niho Dillingar yashyize hanze amashusho kuri (…)

Umuraperi ukomeye mu gihugu cya Amerika Kanye West yibasiwe bikomeye n’umuraperi mugenzi we witwa Daz Dillinger wahamagariye amabandi yose yo muri Califonia guhaguruka agahiga Kanye West akamugirira nabi kubera ashyigikiye Donald Trump wanga abirabura.

Dillinger ushaka ko Kanye West agirirwa nabi ni mubyara w’umuraperi ukomeye cyane muri Amerika Snoop Dog nawe wanga urunuka perezida w’Amerika Donald Trump.

Ku cyumweru taliki ya 29 Mata 2018 niho Dillingar yashyize hanze amashusho kuri instagram ahamagarira amabandi guhiga bukware umuraperi Kanye West wagaragaje ko ashyigikiye Donald Trump ushinjwa kwanga abirabura.

Muri aya mashusho uyu muraperi agira ati " Turi mu bwato bumwe none arashaka kutwica twese, Kanye West arasimbuka akajya kwa Trump agacinya inkoro akamubwira ko ari mu ruhande rwe".

Yakomeje avuga ko byaba byiza uyu muhanzi atagaragaye akora ibitaramo ndetse ntanagaragare mu mujyi wa Califonia akomongana agatorongera akagenda ku buryo nta hantu na hamwe agaragara.

Uyu muraperi yavuze agace Kanye West atuyemo ahamagarira amabandi kumutega akamukubita byo ku rwego rwo hejuru.

Ku mugoroba wo kuri uyu wa mbere Dillinger yongeye gushyira andi mashusho kuri instagram ye agira ati " Inkoni n’amabuye bishobora kuvuna amagufa yawe ariko amagambo uvuga ntacyo ashobora kunyangizaho".

Ubwo Kanye West yajyaga gusura Donald Trump nyuma yo gutorerwa kuyobora Amerika.

Snoop Dogg nawe akunda gushyira amashusho hanze agaragaza ko Kanye West adakunda abirabura cyangwa ngo abarwanire ishyaka nyamara nawe ari umwirabura.

Uretse aba baraperi barwanya Kanye West kubera gushyigikira Donald Trump n’umugore we Kim Kardashian yagaragaje ko adakunda uyu muperezida.