Urukiko Rwisumbuye rwa Gicumbi rwaburanishije urubanza Ubushinjacyaha bukurikiranyeho umugabo witwa Rutembeza Vincent icyaha cyo kwica umugore we .Uru rubanza rukaba rwabereye mu ruhame aho icyaha cyabereye kuwa 01 Kamena 2017 .
Uwitwa Rutembeza Vincent wavutse 1984 akurikiranyweho icyaha cyo kwica uwo bashakanye witwa Kubwimana Beatha amutemaguye n’umuhoro kugeza ashizemo umwuka akaba yaragikoze mu ijoro ryo kuwa 15/05/2017, ahita atoroka agahungira mu karere ka Gatsibo mu Murenge (…)

Urukiko Rwisumbuye rwa Gicumbi rwaburanishije urubanza Ubushinjacyaha bukurikiranyeho umugabo witwa Rutembeza Vincent icyaha cyo kwica umugore we .Uru rubanza rukaba rwabereye mu ruhame aho icyaha cyabereye kuwa 01 Kamena 2017 .

Uwitwa Rutembeza Vincent wavutse 1984 akurikiranyweho icyaha cyo kwica uwo bashakanye witwa Kubwimana Beatha amutemaguye n’umuhoro kugeza ashizemo umwuka akaba yaragikoze mu ijoro ryo kuwa 15/05/2017, ahita atoroka agahungira mu karere ka Gatsibo mu Murenge wa Kiramuruzi ari naho yafatiwe nyuma yaho.

Mu iburanisha yaburanye yemera icyaha akavuga ko yabitewe n’amakimbirane yari afitanye n’umugore amaze igihe kirekire nk’uko iyi nkuru dukesha ubushinjacyaha ikomeza ivuga.

Iki cyaha akurikiranweho giteganywa kandi kigahanishwa n’ingingo ya 142 yo mu gitabo cy’amategeko ahana ibyaha mu Rwanda, aho iyi ngingo ivuga ko uhamwe n’iki cyaha ahanishwa igihano cy’igifungo cya burundu. Uru rubanza ruzasomwa tariki 21/06/2017 saa tatu za mu gitondo.