Nyuma y’urupfu rwa Ivan Ssemwanga intambara yo kugabana imitungo yasize irakomeje , hari umwana w’umukobwa wagizwe ibanga bivugwa ko uyu mugabo yabyaye hanze.
Ivan Ssemwanga yari umuherwe ufite izina rikomeye muri Uganda no muri Afurika y’epfo aho yari afite ibikorwa by’ubucuruzi , yitabye imana tariki ya 25 gicurasi 2017 aguye mu bitaro byitwa Steve Biko byo mu Mujyi wa Pretoria muri Afurika y’Epfo azize indwara yo guturika imitsi yo mu mutwe.
Nyuma y’icyumweru kimwe yitabye imana (…)

Nyuma y’urupfu rwa Ivan Ssemwanga intambara yo kugabana imitungo yasize irakomeje , hari umwana w’umukobwa wagizwe ibanga bivugwa ko uyu mugabo yabyaye hanze.

Ivan Ssemwanga yari umuherwe ufite izina rikomeye muri Uganda no muri Afurika y’epfo aho yari afite ibikorwa by’ubucuruzi , yitabye imana tariki ya 25 gicurasi 2017 aguye mu bitaro byitwa Steve Biko byo mu Mujyi wa Pretoria muri Afurika y’Epfo azize indwara yo guturika imitsi yo mu mutwe.

Nyuma y’icyumweru kimwe yitabye imana yashyinguwe mu gace ka kayunga ko muri Uganda avukamo . Imva ye yamenywemo amashilingi menshi nk’ikimenyetso cy’uko uyu mugabo yatabarutse yari yibitseho amafaranga menshi. Abana bazwi uyu mugabo yasize n’abahungu batatu yabyaranye na Zari Hassan bamaranye imyaka 10 nyuma baratandukana, uyu mugore ahita amusimbuza Diamond.

Imitungo uyu mugabo yasize nayo ikomeje guteza kutumvikana hagati ya Zari n’umuryango avukamo , hari abo mu muryango wa Ssemwanga batifuzaga ko uyu mugore hari icyo yahabwa ku mitungo ya Ivan kubera ko bari baramaze gutandukana . Mu nama iherutse gukorwa yo gutoranya abazacunga imitungo ya Ssemwanga yemeje ko izacungwa na Zari Hassan wahoze ari umugore we; Ritah Ssemwanga, mushiki wa Ivan, Lawrence Muyanja, uzwi King Lawrence akaba na mubyara wa nyakwigendera ndetse na George Ssemwanga Pinto, muruku wa Ivan Ssemwanga.

Hakimara kwemezwa aba bazacunga iyi mitungo ibinyamakuru byo muri Uganda byatangiye kwandika ko hari umwana w’umukobwa witwa ‘Winnie’ ,Ivan Ssemwanga yabyaye hanze utari uzwi . Zari yahakanye aya makuru ubwo yari yatumiwe mu kiganiro gitambuka kuri Ayo Tv asobanura kuri uyu mwana yavuze ko ari uwa mukuru wa Ivan Ssemwanga gusa yemeye kumurera ubwo yari afite imyaka 8 y’amavuko nyuma y’urupfu rwa se.

Nyuma yo gutandukana na Ssemwanga Zari asigaye abana na Diamond bamaze kubyarana kabiri

Yagize ati ‘’ Winnie ni umukobwa wa Brian [mukuru wa Ivan Ssemwanga] , Ivan yatangiye kumurera nyuma yaho se yishwe n’abajura bitwaje intwaro baje kumwiba bakanamwivugana , twatangiye kumurera afite imyaka 8 ubu amaze kugira 18’’. Abana Ssemwanga yasize ni abahungu batatu yabyaranye na Zari akaba ari bo bana bonyine bazaragwa ku mitungo yuyu mugabo.