skol

Yishe umugore we utwite amusunitse ku musozi aho bagiye kwifotoza

Ad Restricted   Yanditswe na: Dusingizimana Remy 24 February 2021

Umugabo witwa Hakan Aysal w’imyaka 40 yafunzwe ashinjwa gusohokana umugore we wari utwite inda y’amezi 7 bageze ku manga bifotorezagaho ahita amwiba umugono amusunika hasi arapfa.

Uyu munya Turkia yafashwe amashusho ari kumwe n’uyu mugore we wari utwite inda y’amezi 7 kuri iyi manda arangije aramuhanura agwa hasi bimuviramo urupfu.

Ubushinjacyaha bwavuze ko Bwana Hakan Aysal yari yarateguye urupfu rw’uyu mugore we Semra Aysal w’imyaka 32, ariyo mpamvu yateguye iki gikorwa cyo kumusohokana ahitwa Butterfly Valley mu mujyi wa Mugla muri Turkia muri 2018.

Uyu mugabo yabanje kwifata amafoto ari kumwe n’uyu wari umugore we kuri iyo manga ariyo mpamvu ubushinjacyaha bwavuze ko uyu mugabo Aysal yabikoze kugira ngo ahabwe amafaranga y’ubwishingizi bw’ubuzima bw’uyu mugore we.

Amashusho yashyizwe hanze yagaragaje uyu mugabo ari kujyana uyu mugore ahantu habi amufashe ukuboko amubwira ko bari gushaka ahantu heza ho gufatira amafoto hafi y’inyanja yitwa Aegean.

Nyuma y’iminota mike nibwo uyu mugore yahanukaga kuri iyi manga ahanuwe n’uyu mugabo we nkuko bivugwa.

Mukerarugendo wafashe iyi video akayishyira hanze,yavuze ko yabonye uyu mugabo yitwara mu buryo buteye ubwoba.

Mbere y’uko uyu mugabo yica uyu mugore we,yabanje kujya kumushakira ubwishingizi bw’impanuka bwamuhaga impozamarira y’amadorali ibihumbi 40 ndetse ngo yavuze ko ugomba kuyahabwa igihe uyu mugore yapfuye ari we wenyine.

Ubushinjacyaha bwavuze ko iki ari igihamya nyakuri kigaragaza ko uyu mugabo yari yaracuze uyu mugambi kuko nyuma y’urupfu rw’uyu mugore yahise ajya gusaba aya mafaranga ariko barayamwima kubera impamvu z’iperereza.

Bwakomeje buvuga ko uyu mugabo n’uyu mugore bamaze amasaha 3 bicaye hejuru y’iyi manga areba ko ntawe uri kumureba ngo aze gukora iki cyaha nta nkomyi.

Musaza wa madamu Semra witwa Naim Yolcu yabwiye urukiko ati “Ubwo twajyaga ahakorerwa ibizamini [Forensic Medicine Institute] gufata umurambo,Hakan yari mu modoka.Umuryango wacu wari mu gahinda ariko we nta nubwo yari arakaye.

Mushiki wanjye yangaga ibyo gufata amadeni ariko nyuma yo gupfa kwe twamenye ko Hakan yari yarafashe amadeni 3 mu izina rye.Semra yatinyaga ahantu hahanamye,ni iyihe siporo yari agiye gukora hariya kandi atinya imanga?.”

Nubwo uyu mugore yapfuye muri 2018 ariko urukiko rwa Fethiye High Criminal Court ruracyakora iperereza ku rupfu rwe.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hagaragajwe ubusumbane bukabije mu ikwirakwiza ry’inkingo za...

Ishami ry’Umuryango w’Abibumbye ryita ku Buzima (OMS), ryagaragaje ubusumbane...
10 April 2021 0

Nyanza:Tuyizere Xavier ufite abana 3 na Mayira Thierry baguye mu mwobo...

Kuri uyu wa Gatanu ahagana saa Tatu z’igitondo, abagabo babiri bo mu Murenge...
10 April 2021 1

AU yahagaritse kugura inkingo za AstraZeneca ijya mu biganiro byo kugura...

Umuryango wa Afurika yunze Ubumwe wahagaritse gahunda yo kugura inkingo za...
10 April 2021 0

Nyakabanda:Ikosa rimwe gusa ryari ritumye ahira munzu n’abaturanyi be...

Umusore w’ingaragu wibana utuye mu Mudugudu wa Gapfupfu, Akagali ka...
10 April 2021 0

Bamporiki Edouard yasabye urubyiruko kumenya u Rwanda bakaruzirikana mu byo...

Umunyamabanga wa Leta muri Minisiteri y’Urubyiruko n’Umuco, Bamporiki...
10 April 2021 0

Kaminuza y’u Rwanda yatangaje igihe umwaka w’amashuli 2020/2021...

Nyuma y’igihe abanyeshuli biga biga muri kaminuza y’u Rwanda bategereje igihe...
10 April 2021 0