skol
Fortebet

Perezida Magufuli yashimye Kagame ku ntsinzi yagize, amwizeza umubano utajegajega

Amakuru   Yanditswe na: Iyamuremye Janvier 6 August 2017

Dr John Pombe Magufuli uyoboye igihugu cya Tanzania, yishimiye intsinzi ya Perezida Kagame Paul yegukanye ku wa 03 na 04 Kanama 2017, amwizeza umubano utajegajega hagati y’ibihugu byombi.

Imibare y’ amateganyo y’ ibyavuye mu matora ya Perezida w’ u Rwanda iragaragaza ko Paul Kagame ariwe watsinze amatora n’ amajwi 98, 63%, agakurikirwa na Mpayimana Philippe ufite 0,73 nawe agakurikirwa na Dr Frank Habineza wagize 0,47%

Mu butumwa umukuru w’Igihugu cya Tanzaniya, , Perezida Dr John Pombe Magufuli yanditse ku rukuta rwe rwa Twitter yashimye mugenzi we, Paul Kagame wegukanye intsinzi yo kuyobora u Rwanda muri manda y’imyaka irindwi iri imbere.

Yagize ati “Ndagushimira Perezida Kagame ku bwo gutorerwa kuyobora u Rwanda indi manda. Mu izina ry’abanyatanzaniya bose, nkwifurije ihirwe.”

Ni ubutumwa bwanditse mu rurimi rw’Igiswahili. Perezida Kagame nawe yahise amusubiza muri urwo rurimi ashimira Magufuli, amusaba gukomeza guteza imbere ubufatanye hagati y’ibihugu byombi hagamijwe gukorera ineza y’abaturage.

Ati “Ku bw’abanyarwanda bose no ku bwanjye, ndagushimiye Nyakubahwa Perezida muvandimwe. Ndagusaba gukomeza ubuvandimwe n’ubufatanye muri byose ku bw’iterambere ry’ibihugu byacu.”

Magufuli nawe yongeye kwandika amwizeza ko umubano uzakomeza gusigasirwa. Ati “Tuzakomeza guteza imbere umubano n’ubufatanye hagati y’ibihugu byacu nko mu bucuruzi n’imibereho y’abaturage bacu. Nshimiye Abanyarwanda.”

Magufuli abaye umukuru w’igihugu wa kabiri wifurije Perezida Kagame ishya n’ihirwe nyuma ya Uhuru Kenyatta uyobora Kenya nawe uhatanira kongera kuyobora iki gihugu.

Author : Iyamuremye Janvier

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Papa Francis yasubitse urugendo rwo kuza muri DRC

Umushumba wa Kiliziya Gatolika ku Isi, Papa Francis, yahagaritse urugendo...
10 June 2022 0

Leta y’Uburusiya yamaganye igihuha cyavuga ko Perezida Putin...

Minisitiri w’ububanyi n’amahanga w’Uburusiya Sergei Lavrov yahakanye...
30 May 2022 0

DRC: Hakozwe imyigaragambyo yirukana ambasaderi w’u Rwanda

Kuri uyu wa Mbere tariki ya 30 Girurasi Urubuga rw’abatavuga rumwe...
30 May 2022 0

MINALOC yatanze impamvu umuganda wimuriwe itariki wagombaga...

Minisiteri y’Ubutegetsi bw’Igihugu (MINALOC), iratangaza ko impamvu umuganda...
23 April 2022 0

Amatora :Uko byifashe mu Bufaransa ku munsi wanyuma wo kwiyamamaza

Kuri uyu Wagatanu tariki ya 8 Mata 2022 niwo munsi wanyuma wo kwiyamamaza...
8 April 2022 0

Congo: Inyeshyamba zongeye kurasa undi musirikare wa MONUSCO

Amakuru aturuka muri Congo ,mu ngabo za MONUSCO aravuga ko undi musirikare...
6 April 2022 0