skol
Kigali

Emmanuel Macron yatsinze Le Pen watumye havugwa byinsi mu Bufaransa

Amakuru   Yanditswe na: Joseph Iradukunda 24 April 2022

Emmanuel Macron yongeye gutorerwa kuyobora u Bufaransa muri manda y’imyaka itanu iri imbere. Yatowe ku majwi 58.2% mu gihe Marine Le Pen bari bahanganye yabonye 41.8%.


Emmanuel Macron na Marine Le Pen bageze mu cyiciro cya nyuma cy’abahataniye kuyobora u Bufaransa nyuma yo gutsinda mu matora yabaye ku wa 10 Mata 2022. Bari imbere mu bakandida 12 bacyitabiriye, Macron yagize amajwi 27.85% mu gihe Le Pen yabonye 23.15%.

Emmanuel Macron umaze imyaka itanu ayobora u Bufaransa, ni we wahabwaga amahirwe yo gukomeza kuyobora abasaga miliyoni 67 bo muri iki gihugu no muri manda ya kabiri.

Si ubwa mbere, Emmanuel Macron yari ahuriye na Marine Le Pen mu cyiciro cya nyuma kuko no mu 2017 ni bo bari bahanganye.

Ubwo aba bakandida bombi baheruka guhurira mu matora mu 2017, Macron yatsinze ku majwi 66%.

Emmanuel Macron w’imyaka 44 yakuyeho agahigo kamazeho imyaka 20, aho nta mukuru w’igihugu wari wagatorewe manda ebyiri zikurikirana. Perezida uheruka kubikora ni Jacques Chirac, icyo gihe hari mu 2002.

Mu ijambo rye nyuma y’itangazwa ry’amajwi, Marine Le Pen yagaragaje ko yashimishijwe n’uko yashyigikiwe mu matora.

Ati “Ndashimira abangiriye icyizere mu cyiciro cya mbere n’abantoye mu cya kabiri. Ndashimira by’umwihariko abo mu tundi duce banshingikiye bidasanzwe. Ntabwo tuzabyibagirwa.’’

Author : Joseph Iradukunda

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hassan Sheikh Mohamud yongeye gutorerwa kuyobora Somaliya

Hassan Sheikh Mohamud Yatsinze perezida wari usanzwe ariho, Mohamed...
16 May 2022 0

Tuniziya yanze indorerezi mpuzamahanga mu matora y’itegeko nshinga

Perezida wa Tuniziya, Kais Saied yavuze ko yitandukanije n’umwanzuro wo...
13 May 2022 0

DRC : Perezida Félix Tshisekedi arashaka kurandura burundu udutsiko...

Umukuru w’igihugu cya Repuburika ya Demokarasi ya Congo Félix Tshisekedi,...
13 May 2022 0

Uburusiya bwatangaje ko bugiye gufatira Finland ibihano nyuma y’umwanzuro...

Uburusiya bwatangaje ko bizaba ngombwa ko bufata "intambwe zo kwihimura" ku...
13 May 2022 0

Finland ishobora kugwa mu kaga nka ka Ukraine nyuma yo gutangaza ko izajya...

Finland yatangaje ko ishaka kwinjira muri NATO kugira ngo yizere umutekano...
12 May 2022 0

Sudan y’Epfo: Abasaga 700 bafashwe ku ngufu mu mezi atatu gusa

Raporo ya United Nations Mission in South Sudan (UNMISS) irinda amahoro...
12 May 2022 0