Kuri uyu wa Gatanu tariki ya 27 Ukwakira 2017 Urukiko rwo mu Bufaransa rwasomye urubanza ruregwamo icyegerera cya Perezida wa Guinee Equatoriale, Teodorin Obiang maze rumusabira ko yafungwa imyaka itatu y’igifungo.
Obiang w’imyaka 48 y’amavuko ni rurangiranwa kubera ukunt yifata nk’umuntu w’ikirenga muri iki gihugu nk’uko bitangazwa na BBC.
Ni umuhungu wa perezida w’igihugu cya Guinee Equatoriale kiri muri Afrika y’Uburengerazuba.
Ntiyari mu rukiko ubwo yashinjwaga kunyereza umutungo (…)

Kuri uyu wa Gatanu tariki ya 27 Ukwakira 2017 Urukiko rwo mu Bufaransa rwasomye urubanza ruregwamo icyegerera cya Perezida wa Guinee Equatoriale, Teodorin Obiang maze rumusabira ko yafungwa imyaka itatu y’igifungo.

Obiang w’imyaka 48 y’amavuko ni rurangiranwa kubera ukunt yifata nk’umuntu w’ikirenga muri iki gihugu nk’uko bitangazwa na BBC.

Ni umuhungu wa perezida w’igihugu cya Guinee Equatoriale kiri muri Afrika y’Uburengerazuba.

Ntiyari mu rukiko ubwo yashinjwaga kunyereza umutungo w’igihugu.

Ubutunzi afite mu Bufaransa buzafatirwa, harimwo inzu yakoreragamo iri mu gace ka Avenue Foch mu gace ka Paris.

Yaciwe kandi n’ihazabu ya miliyoni 30 z’ama Euro.

Obiang ashinjwa gukoresha amafaranga ya Leta mu kwinezeza mu gace ka Paris mu Bufaransa.

Mu bintu yaguze muri ayo mafaranga harimwo kugura amazu agezweho afite agaciro karenze amadolari imiliyoni 100, ubwato bugezweho bufite uburebure bw’imetero 76, imodoka nyinshi zigezweho nka Bugatti, Ferrari na Rolls Royces.

Abashinzwe gukurikirana imitungo mu Bufaransa bamaze kumutegeka gusubiza imitungo afite harimwo inzu ifite agaciro ka miliyoni 30 z’amadolari i California mugace Michael Jackson yabagamwo.

Papa we, Teodoro Obiang Nguema ari ku butegetsi kuva mu 1979 kandi ni we Perezida wo muri Afrika umaze imyaka myinshi ku butegetsi.