skol
Kigali

Mozambique: Uganda ishobora kohereza abasirikare kurwanya ibyihebe

Amakuru   Yanditswe na: Joseph Iradukunda 28 April 2022

Umukuru w’igihugu cya Uganda, Yoweri Museveni, yavuze ko Uganda ishobora kohereza abasirikare benshi muri Mozambique gufasha kurwanya abarwanyi biyitirira Islam mu ntara ya Cabo Delgado.


Umukuru w’igihugu cya Uganda, Yoweri Museveni, yavuze ko Uganda ishobora kohereza abasirikare benshi muri Mozambique gufasha kurwanya abarwanyi biyitirira Islam mu ntara ya Cabo Delgado.

Perezida Museveni ibyo yabitangaje ubwo yavugana n’abanyamakuru i Entebbe ari kumwe na Prezida wa Mozambique, Filipe Nyusi, uri mu rugendo rw’akazi rw’iminsi itatu rugamije gukomeza umubano hagati y’ibihugu byombi.

Uganda isanzwe ifite abasirikare muri Somalia no muri Republika ya Demokrasi ya Kongo, aho igisirikare cyayo, UPDF, kirwanya umutwe Allied Democratic Forces, umutwe w’abarwanyi b’abanya-Uganda ufite icyicaro mu burasirazuba bwa Kongo, ukagirana imikoranire ya hafi n’ibyihebe bya Islamic State.

Museveni yavuze yuko mu igihe ibikorwa by’abo barwanyi bitahagarikwa, koherezayo abasirikare benshi byogira icyo bigeraho.

Uganda ariko isanzwe ifasha abasirikare ba Mozambique mu kubaha ibikoresho bya gisirikare.

Umukuru w’igihugu cya Mozambique, Filipe Nyusi, yavuze yuko Uganda ifasha cyane igihugu cyiwe kandi ko hari ibindi byinshi biri munzira.

Abasirikare b’u Rwanda hamwe n’abo mw’ishyirahamwe ry’akarera ka Afrika y’amajyepfo, SADC, basanzwe bafasha igisirikare cya Mozambique kurwanya intagondwa.

Raporo ya Global Initiative Against Transnational Crime ifite ikicaro i Geneve, iherutse kwerekana ko mu kwezi kwa kabiri muri uyu mwaka abarwanyi biyitirira Islam baguye ibikorwa byabo imbere no hanze ya Mozambique n’ubwo igisirikari mpuzamahanga cyaje gutanga ubufasha mu kubarwanya.

Author : Joseph Iradukunda

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine vs Lt Gen Muhoozi: Batangiye guterana amagambo kuri...

Abanya Uganda benshi ndetse n’abakurikirana politiki y’iki gihugu ubu bari...
19 May 2022 0

Ku nshuro ya mbere y’urubanza :Umusirikare w’Uburusiya yemeye ibyaha...

Umusirikare w’Uburusiya w’imyaka 21 yemeye ko yishe umusivile udafite...
19 May 2022 0

Ibyo wamenya kuri Elisabeth Borne ubaye umugore wa mbere ugizwe Minisitiri...

Perezida w’u Bufaransa, Emmanuel Macron, yagennye Elisabeth Borne wahoze ari...
17 May 2022 2

Ironda ruhu muri Afurika y’Epfo:Umuzungu yafashwe yihagarika mu byombo...

Umunyeshure w’umuzungu muri Afrika y’Epfo yabaye ahagaritse ku ishuri muri...
17 May 2022 0

Kapiteni wo muri Zambia yemerewe bigoranye kurera umwana yatoraguye ari mu...

Kapiteni Mwila Chansa wo mu ngabo za Zambia yemerewe kurera bigoranye...
16 May 2022 0

USA:Ubuhezanguni bw’ibara ry’uruhu bwatumye yerekeza umunwa w’imbunda ahiganje...

Abategetsi bavuga ko umugabo wo muri Amerika ucyekwaho kwica arashe abantu...
16 May 2022 0