Perezida wa Uganda Yoweri Museveni mu mpera z’iki cyumweru yasabye ko hafatwa umwanzuro wo guhagarika ingendo zo hanze ku badepite n’abakozi ba leta kugira amafaranga bahora batwara akoreshwe mu bindi bintu bifite akamaro kurusha ibindi.
Yabivuze ubwo yarimo arasuzuma ibikenewe gukorwa mu kigo cya Uganda Petroleum Institute-Kigumba (UPIK) aho Uganda ishaka kwigishiriza abahanga mu gucukura ibitoro.
Uganda yizeye gutagira kuvoma miliyoni z’utugunguru tw’ibitoro mu 2025 mu mariba menshi icyo (...)

Sponsored Ad

Perezida wa Uganda Yoweri Museveni mu mpera z’iki cyumweru yasabye ko hafatwa umwanzuro wo guhagarika ingendo zo hanze ku badepite n’abakozi ba leta kugira amafaranga bahora batwara akoreshwe mu bindi bintu bifite akamaro kurusha ibindi.

Yabivuze ubwo yarimo arasuzuma ibikenewe gukorwa mu kigo cya Uganda Petroleum Institute-Kigumba (UPIK) aho Uganda ishaka kwigishiriza abahanga mu gucukura ibitoro.

Uganda yizeye gutagira kuvoma miliyoni z’utugunguru tw’ibitoro mu 2025 mu mariba menshi icyo gihugu gifite.

Ariko umukuru w’igihugu ntiyanejejwe n’uburyo icyo kigo n’ubu kitararangiza kubakwa kubera kubura amafaranga.

Yagize ati‘’Mubwire abadepite n’abakozi ba leta bareke kujya mu ngendo zo hanze. Amafaranga arimo gusesagurwa mu gufata ingendo zo hanze mu gihe Kigumba ibuze amafaranga’’.

Umukuru w’igihugu yavuze kandi ko hahagarikwa uduhimbazamusyi, nkuko ikinyamakuru Daily Monitor kibitangaza.

Umugende wo gutwara ibitoro bitayunguruye uzubakwa kuri miliyari 3,5 z’ama dorari uzavana ibitoro aho bicukurwa muri Uganda ubijyana ku mujyi wa Dar es Salaam muri Tanzania wamaganwe n’abarwanya ihindagurika ry’ibihe.

Ariko ibyo bihugu byombi byavuze ko icyo bishyize imbere y’ibindi ari iterambere ry’ubukungu.

BBC