skol
Kigali

RDC yemejwe nk’umunyamuryango mushya wa EAC

Amakuru   Yanditswe na: Dusingizimana Remy 29 March 2022

Perezida Kagame n’abandi bakuru b’ibihugu by’Umuryango wa Afurika y’Iburasirazuba bitabiriye inama ya 19 idasanzwe, yabaye hifashishijwe ikoranabuhanga.

Iyi nama yanitabiriwe na Perezida Tshisekedi wa RDC, yize ku busabe bw’iki gihugu bwo kwinjira muri uyu muryango.

Iyi nama y’abakuru b’ibihugu bya EAC yabaye hifashishijwe ikoranabuhanga yemeje ku mugaragaro iyinjizwa rya Republika iharanira Demokarasi ya Congo nk’umunyamuryango mushya.

Uwo mwanzuro watangajwe na Perezida Uhuru Kenyatta wa Kenya usanzwe ariwe uyoboye uyu muryango muri iki gihe.

Umuyobozi wa EAC Perezida Uhuru Kenyatta,atangaza uyu mwanzuro yagize ati: "Kwinjira muri EAC kwa Repubulika iharanira Demokarasi ya Kongo birerekana intsinzi yo kwishyira hamwe kw’akarere!.

Perezida Kagame we yagize ati “U Rwanda rushyigikiye ko RDC yinjira muri EAC kandi rwiteguye kugira uruhare mu kuyifasha kwinjira neza muri EAC."

Iyi nama yemeje raporo y’Akanama k’Abaminisitiri ivuga ku biganiro byabaye hagati ya EAC na Repubulika Ihranira Demokarasi ya Congo (RDC), bigamije kwinjiza iki gihugu muri uyu muryango.

Inama y’abakuru b’ibihugu bya EAC yabanjirijwe n’iy’Akanama k’Abaminisitiri yabaye kuwa Gatanu w’icyumweru gishize, yari igamije kugena ibizigwaho na gahunda izakurikizwa mu kwemeza RDC ko yinjiye muri EAC.

Kwinjiza Repubulika Iharanira Demokarasi ya Congo muri EAC bizatuma yo ubwayo yongera nibura miliyoni 90 z’abaturage kuri uyu muryango.

Magingo aya, EAC ifite abaturage miliyoni 193. Mu gihe RDC izaba yinjiyemo nk’Umunyamuryango bizatuma umubare wabo wiyongera babe miliyoni 280 yagure n’amarembo yawo ave ku Nyanja y’Abahinde agere ku Nyanja ya Atlantique.

Ni isoko rigari rizungukira ibihugu byose byo muri uyu muryango by’umwihariko abaturage bawo.

Umuryango w’Ibihugu bya Afurika y’Iburasirazuba washinzwe mu 1967 ugizwe n’ibihugu bitatu aribyo, Uganda, Kenya na Tanzania.

Igihugu cya RD Congo kikaba kibaye igihugu cya karindwi cyinjiye muri EAC nyuma ya Kenya, Uburundi, Uganda, Sudani y-Epfo, u Rwanda na Tanzaniya.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine vs Lt Gen Muhoozi: Batangiye guterana amagambo kuri...

Abanya Uganda benshi ndetse n’abakurikirana politiki y’iki gihugu ubu bari...
19 May 2022 0

Ku nshuro ya mbere y’urubanza :Umusirikare w’Uburusiya yemeye ibyaha...

Umusirikare w’Uburusiya w’imyaka 21 yemeye ko yishe umusivile udafite...
19 May 2022 0

Ibyo wamenya kuri Elisabeth Borne ubaye umugore wa mbere ugizwe Minisitiri...

Perezida w’u Bufaransa, Emmanuel Macron, yagennye Elisabeth Borne wahoze ari...
17 May 2022 2

Ironda ruhu muri Afurika y’Epfo:Umuzungu yafashwe yihagarika mu byombo...

Umunyeshure w’umuzungu muri Afrika y’Epfo yabaye ahagaritse ku ishuri muri...
17 May 2022 0

Kapiteni wo muri Zambia yemerewe bigoranye kurera umwana yatoraguye ari mu...

Kapiteni Mwila Chansa wo mu ngabo za Zambia yemerewe kurera bigoranye...
16 May 2022 0

USA:Ubuhezanguni bw’ibara ry’uruhu bwatumye yerekeza umunwa w’imbunda ahiganje...

Abategetsi bavuga ko umugabo wo muri Amerika ucyekwaho kwica arashe abantu...
16 May 2022 0