skol
fortebet

Sudan:Gufungira Omar al Bashir mu bitaro byakuruye impaka

Yanditswe: Friday 22, Apr 2022

featured-image

Sponsored Ad

Ubu guterana amagambo bya tumbagiye nyuma y’aho ku mbuga nkoranyambaga hakwirakwira amashusho y’uwahoze ayobora Sudan, Omar al-Bashir ari mu bitaro aho yimuriwe avanywe muri gereza.

Sponsored Ad

Ubu guterana amagambo bya tumbagiye nyuma y’aho ku mbuga nkoranyambaga hakwirakwira amashusho y’uwahoze ayobora Sudan, Omar al-Bashir ari mu bitaro aho yimuriwe avanywe muri gereza.

Bashir amaze imyaka itatu afunzwe nyuma yo guhirikwa ku butegetsi. Amashusho yashyizwe hanze muri iki cyumweru amugaragaza aseka atembera mu bitaro asuhuza abarwayi.

Akurikiranyweho ibyaha bitandukanye birimo ruswa no guhonyora uburenganzira bwa muntu.

Abanyamategeko ba Bashir bemeje ko koko uwo bunganira yimuriwe mu bitaro kubera ko ubuzima bwe butameze neza, nk’uko Reuters yabitangaje.

Amashusho yagiye hanze, niyo ya mbere ya Bashir ashyizwe ku mbuga nkoranyambaga atari mu rukiko nyuma yo guhirikwa ku butegetsi.

Abdelrahman Alkhalifa wunganira Bashir, yavuze ko urukiko rwemeje ko Bashir yimurirwa mu bitaro kugira ngo babashe kwita ku buzima bwe butifashe neza.

Abanyamategeko ba Bashir bari bamaze igihe basaba ko yimurirwa mu bitaro bya gisirikare ari naho aherereye ubu, kugira ngo arindwe kuba yakwandura Covid-19 kandi bakurikiranire hafi ikibazo cy’umuvuduko w’amaraso afite.

Nubwo hari abagaragaje kwifuriza Bashir koroherwa, ku mbuga nkoranyambaga hari abagaragaje ko abayeho ubuzima bwiza budakwiriye umuntu ukekwaho ibyaha bikomeye.

Hari uwanditse ati “Noneho biragaragara ko abazize revolusiyo [yo kweguza Bashir] bapfiriye ubusa.”

Sudan kuri ubu iyobowe n’abasirikare bahiritseBashir ku butegetsi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa