skol
Kigali

Sudan:Gufungira Omar al Bashir mu bitaro byakuruye impaka

Amakuru   Yanditswe na: Joseph Iradukunda 22 April 2022

Ubu guterana amagambo bya tumbagiye nyuma y’aho ku mbuga nkoranyambaga hakwirakwira amashusho y’uwahoze ayobora Sudan, Omar al-Bashir ari mu bitaro aho yimuriwe avanywe muri gereza.


Ubu guterana amagambo bya tumbagiye nyuma y’aho ku mbuga nkoranyambaga hakwirakwira amashusho y’uwahoze ayobora Sudan, Omar al-Bashir ari mu bitaro aho yimuriwe avanywe muri gereza.

Bashir amaze imyaka itatu afunzwe nyuma yo guhirikwa ku butegetsi. Amashusho yashyizwe hanze muri iki cyumweru amugaragaza aseka atembera mu bitaro asuhuza abarwayi.

Akurikiranyweho ibyaha bitandukanye birimo ruswa no guhonyora uburenganzira bwa muntu.

Abanyamategeko ba Bashir bemeje ko koko uwo bunganira yimuriwe mu bitaro kubera ko ubuzima bwe butameze neza, nk’uko Reuters yabitangaje.

Amashusho yagiye hanze, niyo ya mbere ya Bashir ashyizwe ku mbuga nkoranyambaga atari mu rukiko nyuma yo guhirikwa ku butegetsi.

Abdelrahman Alkhalifa wunganira Bashir, yavuze ko urukiko rwemeje ko Bashir yimurirwa mu bitaro kugira ngo babashe kwita ku buzima bwe butifashe neza.

Abanyamategeko ba Bashir bari bamaze igihe basaba ko yimurirwa mu bitaro bya gisirikare ari naho aherereye ubu, kugira ngo arindwe kuba yakwandura Covid-19 kandi bakurikiranire hafi ikibazo cy’umuvuduko w’amaraso afite.

Nubwo hari abagaragaje kwifuriza Bashir koroherwa, ku mbuga nkoranyambaga hari abagaragaje ko abayeho ubuzima bwiza budakwiriye umuntu ukekwaho ibyaha bikomeye.

Hari uwanditse ati “Noneho biragaragara ko abazize revolusiyo [yo kweguza Bashir] bapfiriye ubusa.”

Sudan kuri ubu iyobowe n’abasirikare bahiritseBashir ku butegetsi.

Author : Joseph Iradukunda

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tuniziya yanze indorerezi mpuzamahanga mu matora y’itegeko nshinga

Perezida wa Tuniziya, Kais Saied yavuze ko yitandukanije n’umwanzuro wo...
13 May 2022 0

DRC : Perezida Félix Tshisekedi arashaka kurandura burundu udutsiko...

Umukuru w’igihugu cya Repuburika ya Demokarasi ya Congo Félix Tshisekedi,...
13 May 2022 0

Uburusiya bwatangaje ko bugiye gufatira Finland ibihano nyuma y’umwanzuro...

Uburusiya bwatangaje ko bizaba ngombwa ko bufata "intambwe zo kwihimura" ku...
13 May 2022 0

Finland ishobora kugwa mu kaga nka ka Ukraine nyuma yo gutangaza ko izajya...

Finland yatangaje ko ishaka kwinjira muri NATO kugira ngo yizere umutekano...
12 May 2022 0

Sudan y’Epfo: Abasaga 700 bafashwe ku ngufu mu mezi atatu gusa

Raporo ya United Nations Mission in South Sudan (UNMISS) irinda amahoro...
12 May 2022 0

Ubushinwa na America ntibavuga rumwe ku Bihano byafatiwe Koreya ya...

Leta ya America n’Ubushinwa byateranye amagambo mu kanama ka ONU gashinzwe...
12 May 2022 0