Umuryango w’ Ubumwe bw’ ibihugu by’ I Burayi wafatiye ibihano bamwe mu bategetsi bakomeye bo muri Leta ya Repubulika Iharanira Demukarasi ya Kongo.
Abafatiwe ibihano barimo Minisitiri w’ Intangazamakuru, akaba n’Umuvuzi wa Leta, Lambert Mende, n’Umukuru w’urwego rw’iperereza Kalev Mutond.
Abandi bafatwe ibihano ni Jenerali wa Burigade Eric Ruhorimbere na Muhindo Aliki Mundos, umugaba wa burigade y’i Beni.
BBC dukesha iyi nkuru yatangaje ko bose bashijwa kugira uruhare mu bikorwa byo guhohotera (...)

Sponsored Ad

Umuryango w’ Ubumwe bw’ ibihugu by’ I Burayi wafatiye ibihano bamwe mu bategetsi bakomeye bo muri Leta ya Repubulika Iharanira Demukarasi ya Kongo.

Abafatiwe ibihano barimo Minisitiri w’ Intangazamakuru, akaba n’Umuvuzi wa Leta, Lambert Mende, n’Umukuru w’urwego rw’iperereza Kalev Mutond.

Abandi bafatwe ibihano ni Jenerali wa Burigade Eric Ruhorimbere na Muhindo Aliki Mundos, umugaba wa burigade y’i Beni.

BBC dukesha iyi nkuru yatangaje ko bose bashijwa kugira uruhare mu bikorwa byo guhohotera abatavuga rumwe na Leta hamwe no kubangamira ukwishira ukizana.

Mu byo Lambert Mende ashinjwa harimo no kubuza abanyamakuru mpuzamahanga kwinjira muri Kongo.

Umuyobozi ushinzwe iperereza, Kalev Mutond, we aregwa kuba ariwe yatobye ishyirwa mu bikorwa ry’amasezerano y’amahoro hagati ya Leta n’abo batavuga rumwe, yashizweho umukono mu mpera z’umwaka ushize.

Ibihano bafatiwe

Bose babujijwe gufata ingendo mu bihugu biri mu muryango w’ ubumwe bw’ ibihugu by’ I Burayi biri mu gice cya Schengen.

Imitungo bafite muri ibyo bihugu, yaba amazu cyangwa amafaranga mu bubiko bw’amabanki nayo yafatiriwe.

Kongo iri mu mvururu za politike zatewe n’uko amatora yagomba kuba mu mwaka ushize atabaye, ibiganiro byahagarikiwe n’urwego rw’abasenyeri ba Gatolika nabyo bikaba ntacyo byagezeho.

Abatavuga rumwe na Leta ya Kongo ntibasibye gushinja Perezida Joseph Kabila kudindiza amatora kugira ngo ashobore kuguma ku butegetsi.