skol
Kigali

Uganda: Minisitiri yasabye imbabazi abadepite, ibyo yatangaje biteshwa agaciro na Perezida Museveni

Amakuru   Yanditswe na: Nsanzimana Ernest 24 May 2017

Frank Tumwebaze

Minisitiri wa Uganda ushinzwe ikoranabuhanga n’ itumanaho Frank Tumwebaze yasabye imbabazi inteko ishinga amategeko y’ icyo gihugu nyuma y’ uko iyo nteko imushinje kuyisuzugura no kuyitesha agaciro.

Ku wa Kabiri w’ icyumweru gishize inteko ishinga amategeko ya Uganda yatoye umwanzuro usaba ko igihe ntarengwa cyo kubaruza sim card ku ba nya Uganda cyakongerwa.

ku wa gatatu w’ icyo cyumweru Frank Tumwebaze abwira itangazamakuru ko igihe ntarengwa cyo kubaruza sim card kitazongerwa. Aha niho inteko yahereye ivuga ko yayitesheje agaciro akanayisuzugura imusaba gusaba imbabazi mu ruhame.

Frank Tumwebaze yisobanuye ku nteko ishinga amategeko avuga ko yumva ibyo yakoze ntakibi umutima umushinja kuko ibyo yakoze ari ugutangaza uruhande rwa guverinoma kandi bikaba biri mu nshingano ze nk’ umuvugizi wa guverinoma. Tumwebaze yabwiye abagize inteko ishinga amategeko ko niba ibyo yakoze ari amakosa abisabira imbabazi

Perezida w’ inteko ishinga amategeko Rebecca Kadaga yabwiye Frank Tumwebaze ko mbere yo gutangaza urwo ruhande rwa guverinoma yakabaye yarabanje kubaza inteko ishinga amategeko.

Igihe ntarengwa cyo kubaruza sim card cyari cyatanze cyarangiye tariki 19 Gicurasi 2017, abadepite bagasaba ko icyo gihe cyakongerwa kugira abaturage bacikanwe nabo babone amahirwe yo kubaruza sim card zabo.

Abadepite bifuzaga ko abo baturage bakongererwa andi mezi atatu, Tumwebaze akavuga ko ayo mezi atagomba kongerwaho.

Ibi byose byashyizweho akadomo mu nama y’ ishyaka NRM riri ku butegetsi muri Uganda yayobowe na Perezida Museveni kuri uyu wa Mbere tariki 22 Gicurasi 2017 aho yategetse ko kwandikisha Sim Card byongererwa andi mezi atatu bikazarangira tariki 30 Kanama 2017.

Dail monitor dukesha iyi nkuru ivuga ko Itegeko rya Perezida Museveni ryo kongeraho ayo mezi atatu ku gihe ntarengwa cyo kubaruza Sim card , Perezida w’ inteko ishinga amategeko Rebecca Kadaga yaryakiranye ubwuzu bwinshi avuga ko n’ ubundi guverinoma ikwiye kujya ibanza kumenya umwuka abaturage barimo igakora ibiri mu nyungu zabo.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RDC yiyemeje gufatira ingamba zisumbuye u Rwanda ishinja gufasha...

Umuvugizi wa Guverinoma ya Repubulika ya Demokarasi ya Congo, Patrick...
23 June 2022 1

Abaturage bo mu burasirazuba bwa Congo bandikiye Perezida Tshisekedi ko...

Bamwe mu baturage bo mu burasirazuba bwa Congo bamaganye icyemezo cyohereza...
22 June 2022 0

M23 yatangaje ko ibiganiro na leta aribyo bizatuma irekura Bunagana

Umutwe w’inyeshyamba wa 23 uvuga ko wakiriye neza umwanzuro w’inama y’abakuru...
22 June 2022 0

"Afurika yafashwe bugwate mu ntambara y’Uburusiya kuri Ukraine" –Perezida wa...

Perezida wa Ukraine Volodymyr Zelensky yavuze ko Afurika "yafashwe bugwate"...
21 June 2022 0

Perezida w’u Burundi n’uwa Uganda bitabiriye inama yiga ku bibazo bya RDC i...

Perezida w’u Burundi, Evariste Ndayishimiye na mugenzi we wa Uganda Yoweli...
20 June 2022 0

Ububirigi buratanga ku mugaragaro ibisigazwa bya Lumumba

Kuri uyu wa mbere, nibwo biteganijwe ko umuryango w’uwahoze ari minisiteri...
20 June 2022 0