skol
Kigali

Umwami n’Umwamikazi b’Ububiligi basuye DR Congo mu rugendo rufatwa nko kwiyunga

Amakuru   Yanditswe na: Dusingizimana Remy 8 June 2022

Umwami Filipo n’Umwamikazi Matilida b’Ububiligi bageze i Kinshasa aho batangiye uruzinduko rw’iminsi itandatu muri DR Congo ku butumire bwa Perezida Félix Tshisekedi.

Bakiriwe mu buryo bukomeye ku kibuga cy’indege cya N’djili ndetse ku mihanda ya Kinshasa basanganiwe n’abantu benshi baje kubaha ikaze.

Nibwo bwa mbere uyu mwami asuye DR Congo kuva yajya ku ngoma mu 2013.

Uru ruzinduko rwari rwarasubitswe kubera icyorezo cya Covid, rushimagizwa n’ibiro bya perezida wa DR Congo nk’amahirwe yo kwiyunga kuri ibi bihugu.

Mu myaka ibiri ishize uyu mwami yandikiye Perezida Tshisekedi amumenyesha kwicuza gukomeye “ku bikomere by’amateka”.

Alexander De Croo, minisitiri w’intebe w’Ububiligi uri kumwe n’umwami muri uru rugendo avuga ko iki ari igihe cyiza cyo gutsura umubano ukomeye.

Biteganyijwe ko Umwami Filipo azaganira ku kugarura ibikorwa by’ubugenzi bya Congo byasahuwe mugihe cy’ubukoloni.

Amateka y’ibi bihugu aracyarimo byinshi bibabaje.

Gusahura umutungo wa Congo, kwica impirimbanyi zayo z’ubwigenge nka Patrice Lumumba n’ibindi.

Abanyecongo benshi kandi bakorewe ubugome bukomeye, by’umwihariko ubwo Umwami Leopold II yari yarikatiye iki gihugu rutura nk’umutungo we bwite.

Azasura Dr Denis Mukwege i Bukavu

I Kinshasa, Umwami Filipo araha umudari w’ishimwe ry’ikirenga caporal Albert Kunyunku sekomabata wanyuma wa Congo ukiriho warwanye intambara ya kabiri y’isi.

Azajya kandi mu majyepfo aho azatanga ikiganiro ku banyeshuri bo muri kaminuza ya Lubumbashi.

Nyuma azajya mu mujyi wa Bukavu aho azabonana na Dr Denis Mukwege wahawe igihembo cy’amahoro cyitiriwe Nobel, nk’uko byatangajwe n’ibiro bya perezida.

Uyu mwami asuye DR Congo mu gihe mu burasirazuba imirwano yongeye kubura hagati y’igisirikare n’umutwe wa M23 muri Kivu ya ruguru.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyuma yo gufata Lysychansk, Putin yategetse ingabo kudasubira...

Perezida Vladimir Putin w’Uburusiya yategetse umugaba w’ingabo ze gukomeza...
5 July 2022 0

Sudani :Igisirikare cyemeye guha ubutegetsi abasivile

Umutegetsi w’ igisirikare muri Sudan, Jenerali Abdel Fattah al-Burhan,...
5 July 2022 0

Perezida Ndayishimiye yasabye ibihugu bikomeye kwirukana abanyabwenge...

Umukuru w’igihugu cy’u Burundi Evariste Ndayishimiye yasabye amahanga...
4 July 2022 0

Ukraine yemeje ko agace ka Lysychansk kafashwe n’ingabo za Russia

Igisirikare cya Ukraine byarangiye kemeje amakuru y’uko umugi wa Lysychansk...
4 July 2022 0

Amerika yashyigikiye ibikorwa by’akarere byo guhagarika amakimbirane muri...

Ubutegetsi bw’Amerika bwashyigikiye inshingano za Perezida Uhuru Kenyatta mu...
4 July 2022 0

"Inkunga zihabwa u Burundi ntacyo zabumariye"- Perezida Ndayishimiye

Umukuru w’igihugu cy’ u Burundi yatangaje ko imfashanyo zitangwa...
4 July 2022 0