skol
Kigali

Hagiye gushyirwaho itegeko ryishyuza abanze kwishyura buruse bahawe na Leta

Amakuru   Yanditswe na: Rebecca UFITAMAHORO 6 April 2022

Banki Itsura Amajyambere mu Rwanda (BRD) , yatangaje ko hari itegeko riri hafi gusohoka rikubiyemo ibirebana no kwishyuza ku ngufu abarihiwe na leta badafite ubushake bwo kwishyura inguzanyo bahawe na leta.


Mu gihe hari bamwe mu bahawe inguzanyo yo kwiga bamaze kurangiza kuyishyura, haracyari abagitegereje guhabwa impapuro zabugenewe ngo batangire kwishyura kuko bazi neza ko bifasha abandi bakeneye kwiga.

Twahirwa Eric umwe mu barihiwe na leta muri Kaminuza, avuga ko kuva mwaka wa 2014 ubwo yabonaga akazi yahise atangira kwishyura inguzanyo izwi nka bourse yahawe.

Avuga ko azi neza ko kwishyura iyi nguzanyo bifitiye akamaro benshi bakenera kurihirwa na leta, bityo agasanga nta warihiwe ukwiye kwirengagiza igikorwa cyo kwishyura ideni yahawe.

Ku rundi ruhande uwitwa Rugaruza Jean Claude nawe wize ku nguzanyo ya leta, avuga ko yari yaratangiye kwishyura ariko aho ahinduriye aho yakoreraga ntiyongeye gukatwa amafaranga y’ideni rye, bitewe n’uko abakozi ba BRD babishinzwe batigeze bazana impapuro zabugenewe ngo azuzuze bityo akomeze kwishyura.

Kuva mu myaka ya za 80 nibwo hatangijwe gahunda yo guha ideni abarihirwaga na leta biga muri Kaminuza bakazaryishyura ari uko barangije kwiga, bakishyura 8% by’amafaranga binjiza.

Gusa BRD ikurikirana ibirebana n’iyishyurwa ry’izi nguzanyo ntigaragaza umubare w’amafaranga amaze kwishyurwa n’abarebwa no kwishyurwa.
Rurangwa Wilson ushinzwe uburezi muri BRD asobanura ko muri gahunda yiswe Minuza yamaze gushyirwaho, iteganya ko abarebwa no kwishyura inguzanyo bahawe bazamenyekana hifashishijwe ikoranabuhanga no gusangira amakuru n’inzego zinyuranye.

Yagize ati "Twahuje ikoranabuhanga rikoreshwa kuri IPPS ya Mifotra na RRA kuko umuntu wese ufite umutungo cyangwa usora twamubona muri RRA. Tuzinjira mu kigo runaka mbone list y’abakozi na ID zabo noneho ndebe ngo uyu muntu nitwe twamwishyuriye? Ese umushahara we ni angahe? kuko muri RRA turabibona, ese agomba kwishyura angahe? ubundi duhite dukora imibare twoherereze lisite ikigo tubabwire tuti dore abakozi banyu n’amafaranga bagomba kwishyura."

BRD kandi isobanura ko ingingo zikubiye mu itegeko rishya rigena ibirebana no kwishyura inguzanyo ihabwa abagiye kwiga muri Kaminuza, hateganijwe ko hazazamo ibihano ku wanze kwishyura nyamara afite icyo yinjiza

Inkuru ya RBA

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Ndayishimiye na Madamu bagaragaye mu murima w’umuceri...

Amakuru dukesha Ibiro by’Umukuru w’Igihugu cy’u Burundi, avuga ko Perezida...
16 May 2022 0

Abanyenganda muri Uganda banyotewe bikomeye n’isoko ryo mu Rwanda...

Abacuruzi bohereza ibicuruzwa byabo hanze n’abanyenganda muri Uganda...
13 May 2022 0

DRC : Abagera kuri 400 basizwe iheruheru n’imvura ikabije

Imibare igaragaza ko imvura yaraye iguye muri kivu y’amajyaruguru muri...
12 May 2022 0

Zimbabwe: Inzovu zirikubambura ubuzima aho kubazanira amadovize

Muri iki gihugu cya Zimbabwe, leta yatangaje ko inzovu zimaze kwica abantu...
11 May 2022 0

RDC : Abarimu bo mu mashuri abanza ya Leta babyukiye mu myigaragambyo

Abarumu bigisha mu bigo by’amashuri abanza ya Leta muri Repuburika ya...
2 May 2022 0

Tanzania mu rugendo rwo gushakira igisubizo Gaz ihenze mu karere ka...

Mu mezi 2 ashize igiciro cya Gaz cyaratumbagiye cye hafi yo kwikuba kabira...
30 April 2022 0