Umunyapolitiki Robert Kyagulanyi Ssentamu, Bobi Wine, utavuga rumwe n’ubutegetsi bwa Uganda, yageze mu gace ka Bucha muri Ukraine kagabweho ibitero bikomeye n’ingabo z’u Burusiya.
Kuri uyu wa 15 Nzeri 2022, Bobi Wine yatangaje ati: “Nasuye uduce twa Bucha, Dmitrovka, Borodyanka na Hostomel. Iyi mijyi ni ikimenyetso cy’ibyangijwe n’ibyasenwe bikomeye n’intambara y’urugomo y’u Burusiya kuri Ukraine,ariko no kwihangana kw’abanya-Ukraine birwanyeho n’ubutwari.”
Uyu munyapolitiki wanabaye umuhanzi (...)

Sponsored Ad

Umunyapolitiki Robert Kyagulanyi Ssentamu, Bobi Wine, utavuga rumwe n’ubutegetsi bwa Uganda, yageze mu gace ka Bucha muri Ukraine kagabweho ibitero bikomeye n’ingabo z’u Burusiya.

Kuri uyu wa 15 Nzeri 2022, Bobi Wine yatangaje ati: “Nasuye uduce twa Bucha, Dmitrovka, Borodyanka na Hostomel. Iyi mijyi ni ikimenyetso cy’ibyangijwe n’ibyasenwe bikomeye n’intambara y’urugomo y’u Burusiya kuri Ukraine,ariko no kwihangana kw’abanya-Ukraine birwanyeho n’ubutwari.”

Uyu munyapolitiki wanabaye umuhanzi ukomeye muri Uganda yavuze ko mu gusura ibyangiritse, yageze no ku ntwaro z’ingabo z’u Burusiya zasenyewe muri utu duce, zirimo ibifaru, nk’uko bigaragara no mu mafoto.

Ati "Imijyi nka Bucha yahoze ifite amahoro kandi iteye imbere ubu yahindutse amatongo n’imva rusange - ndetse ibifaru by’Uburusiya byasenywe n’ibindi bisasu byuzuye imihanda."

Bobi Wine yagarutse ku isomo yigiye muri Ukraine ati "Ubutwari Abanya Ukraine bakoresheje barwanya igitugu cy’Uburusiya bugomba kwigisha abantu bose baharanira ubwisanzure, amahoro no kwishyira ukizana ko batagomba gucogora nubwo bahura n’ibibazo byinshi."