Igihugu cya Burkina Faso gikomeje kwibasirwa cyane n’icyorezo cya COVID-19 cyamaze kwinjira muri guverinoma aho abaminisitiri 4 bamaze kwandura nyuma ya mugenzi wabo uherutse guhitanwa nayo.

Sponsored Ad

Abaminisitiri bane mu gihugu cya Burkina-Faso bari mu bantu 64 bamaze kwandura Coronavirus, mu gihe imaze guhitana abantu batatu barimo Marie-Rose Compaore wari Visi Perezida wa Mbere w’Inteko Ishinga Amategeko.

Abaminisitiri banduye Coronavirus muri Burkina Faso barimo uw’ububanyi n’amahanga witwa Alpha Barry, uw’umutekano witwa Simeon Sawadogo , uw’uburezi witwa Stanislas Ouar ndetse n’ushinzwe ubucukuzi bw’amabuye y’agaciro witwa Oumarou Idani.aba bose nibo biyemereye ko banduye Coronavirus.

AFP yatangaje ko Abantu babiri bapfuye uyu munsi, buzuza umubare w’abantu 3 bamaze guhitanwa n’iki cyorezo muri iki gihugu.

Igihugu cya Burkina Faso gituwe na miliyoni 20,kibangamiwe n’umutekano muke aho inyeshyamba zimaze iminsi zicira abantu mu kiliziya no mu mihanda.

Hirya no hino ku isi, abantu basaga 13,000 bamaze guhitanwa na Coronavirus kuva yagaragara bwa mbere mu Ukuboza umwaka ushize, mu gihe abantu basaga 304,500 bamaze kuyandura. Abantu bamaze gukira COVID-19 ni 91,500.