Mu gihe abantu bari kwishimira impeshyi y’umwaka wa 2023, Covid-19 yongeye kugaruka mu bice bimwe na bimwe. Uwavuga ko iki cyorezo cyahashyijwe burundu yaba yibeshye.

Sponsored Ad

Mu Majyepfo y’u Bufaransa ubwandu bwavuye kuri 20% bugera kuri 35% mu bice bya Landes hagati y’icyumweru cy’itariki 26 na 30 Nyakanga. Muri iki cyumweru, muri ako gace ubwandu bwarazamutse buva kuri 35% bugera kuri 40%.

Uku kongera kwaduka kwa Covid-19 bivugwa ko gushobora kuba gushingiye ku bwoko bushya bw’iki cyorezo bwabonetse mu Bwongereza, Leta Zunze Ubumwe za Amerika ndetse no mu Buyapani.

Nubwo bimeze bityo, inzego z’ubuzima mu Bufaransa zivuga ko bigoye kumenya neza umubare w’abantu bapfa n’abashyirwa mu bitaro kubera ko muri iki gihe gupima bidakorwa cyane.

Nko mu Bufaransa, gahunda zari zarashyizweho zo gukurikirana umunsi ku wundi ibijyanye n’ubwandu bw’iki cyorezo, zahagaritswe ku itariki 1 Nyakanga.

Gusa OMS yatangaje ko Covid 19 itakiri ikibazo gihangayikishije isi nk’icyorezo gifatirwa ingamba binyuze mu mujyo umwe