skol
Kigali

Ukraine: Umuhinde yanze guhunga kubera ko atasiga inyamaswa z’inkazi yoroye

Amakuru   Yanditswe na: Dusingizimana Remy 7 March 2022

Umuganga w’umuhinde ukorera muri Ukraine amaze icyumweru aba mu bwihisho mu cyumba cyo hasi hamwe n’amatungo ye y’inkazi - panther na jaguar.

Girikumar Patil, waguze izi nyamaswa muri zoo y’i Kyiv mu mezi 20 ashize, avuga ko atazava iwe azisize.

Uyu mugabo ubusanzwe wibana, amaze imyaka itandatu aba mu mujyi muto wa Severodonetsk uri mu gace ka Donbas mu burasirazuba bwa Ukraine.

Nyuma y’uko intambara itangiye, Giri yavaga muri icyo cyumba cyo hasi agiye kugura ibiryo gusa - birimo iby’iyi jaguar y’amezi 20 y’ingabo hamwe na panther y’ingore ifite amezi atandatu.

Avuga ko iyo jaguar ari ikibyarirane cy’ingwe (leopard) y’ingabo na jaguar y’ingore.

Kugeza ubu, Gigi avuga ko amaze kugura 23kg z’inyama z’intama, n’inkoko ku baturanyi be ku giciro gikubye kane icyo yari asanzwe aziguraho.

Gigi Patil w’imyaka 40 ati: "Izi nyamaswa zanjye ubu turararana mu cyumba cyo hasi. Hakomeje kuvuga ibisasu byinshi hafi yacu. Zifite ubwoba. Ubu zirya bicye. Sinshobora kuzisiga."

Yongeraho ati: "Iyi ni intambara ya kabiri mbayemo, ariko iyi iteye ubwoba kurushaho."

Gigi avuga ko yabanje kuba i Luhansk, aho inyeshyamba zishyigikiwe n’abarusiya zarwana n’ingabo za Ukraine kuva mu 2014 nubwo bari barumvikanye agahenge. Avuga ko muri iyo mirwano restaurant yari yarafunguye muri ako gace yashenywe.

Yahise yimukira i Severodonetsk mu ntera ya 100km uvuye aho, agura inzu, atangira kuvura, anagura izi nyamaswa zikiri ibibwana.

Ati: "Naheze mu gace karimo intambara. Ubu noneho mfite ubwoba bwinshi. Ababyeyi banjye bakomeje kumpamagara ngo ntahe, ariko sinasiga izi nyamaswa."

Uyu mugabo ukomoka mu majyepfo y’Ubuhinde, avuga ko izi nyamaswa yaziguze $35,000 mu mezi 20 ashize muri zoo yo mu murwa mukuru Kyiv.

Avuga ko iyo zoo yemera ko abantu ku giti cyabo bagura inyamaswa mu gihe bafite ahantu hisanzuye ho kuzororera - Gigi yerekana icyangombwa cy’aho izo nyamaswa zabwaguriwe yahawe n’iyo zoo.

Yageze muri Ukraine mu 2007 aje kwiga ubuvuzi. Kuva mu 2014 yatangiye kuhakora nk’umuganga, ubu yakoraga mu bitaro bya Severodonetsk byafunze ubwo intambara yari itangiye. Avuga ko anavura nka muganga wihariye.

I Severodonetsk, Gigi aba mu nzu igeretse kabiri y’ibyumba bitandatu ifite n’uruzitiro rw’izi nyamaswa.

Avuga ko menshi mu mafaranga ahembwa ayakoresha kuri izi nyamaswa - afite n’imbwa eshatu - agerageza no gushaka amafaranga kuri YouTube channels ze aho ashyira amashusho ya ziriya nyamaswa z’inkazi ku bantu 85,000 bazikurikirana.

Uyu mugabo avuga ko ari umuntu ukunda inyamaswa kuva ari umwana aho iwabo yakunze gutunga imbwa, injangwe n’inyoni.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uko Lt Colonel Phénéas Munyarugarama washinjwaga Jenoside yapfiriye mu...

Urwego rwa ONU rurangiza imirimo yasizwe n’urukiko mpuzamahanga...
19 May 2022 0

Munyarugarama Phénéas wari ugishakishwa kubera ibyaha bya Jenoside yapfuye...

Urwego Mpuzamahanga Rwashyiriweho Gukora Imirimo y’Insigarira y’Inkiko...
18 May 2022 0

Wa Mukobwa w’umunya Uganda byavuzwe ko yiyahuye asimbutse ku igorofa i Dubai...

Musaza wa wa mukobwa w’Umunya Uganda uzwi ku izina rya Monica Karungi...
15 May 2022 0

Koreya ya Ruguru: Perezida Kim Jong-un yatangaje akaga ku gihugu kubera...

Ibinyamakuru byo muri Korea ya Ruguru bitangaza ko Perezida wabo Kim...
14 May 2022 0

Perezida wa UAE yahitanwe n’uburwayi asiga umutungo w’asaga miliyari 120...

Perezida wa Leta Zunze Ubumwe z’Abarabu, Sheikh Khalifa bin Zayed al Nahyan,...
13 May 2022 0

Espanye: Abagore bababara bari mu mihango bazajya bahabwa ikiruhuko mu...

Bamwe mu bagore bakunze kubabaza bikomeye n’imihango mu gihe bayigiyemo, aho...
13 May 2022 0