skol
Kigali

Umugore wa Perezida wa Haiti yatangaje uko igitero cyo kwica umugabo we cyari kimeze

Amakuru   Yanditswe na: Dusingizimana Remy 11 July 2021

Ejo ku wa gatandatu,Madamu Martine Moïse,yashyize hanze ubutumwa bw’uko igitero cyahitanye umugabo we wari Perezida wa Haiti,Moise Jovenel,cyagenze.

Madamu Martine avuga ko icyo gitero cyabaye mu kanya gato, ku buryo umugabo we Jovenel atashoboye no "kuvuga ijambo na rimwe".

Perezida Moïse yishwe ku wa 07 z’uku kwezi kwa karindwi n’abacancuro b’abanyamahanga 28.

Umufasha we Martine Moïse na we yakomerekeye muri icyo gitero, ahita ajyanwa igitaraganya i Miami muri Florida kuvurwa.

Madamu Martine yashoboye kwifata ijwi yacishije ku rubuga rwa Twitter, aho yaniyemeje gukomeza igikorwa cye. Abantu batari bake bemeje ko koko ari umugore w’umukuru w’igihugu.

Asobanura uko ibintu byagenze ubwo abo bicanyi barasaga umugabo we, Martine Moïse muri iryo jwi avuga ati: "Mu kanya gato, abo bacancuro binjiye mu nzu yanjye bahita bamishaho amasasu umugabo wanjye".

Iri shyano nta zina rifite kuko ugomba kuba umwicanyi ruharwa kugira ngo wice umukuru w’igihugu nka Jovenel Moïse, utanamuhaye n’akanya na gato ngo avuge n’ijambo na rimwe gusa".

Avuga ko umugabo we yishwe ku mpamvu za politike - cyane cyane, akavuga amatora ya kamarampaka ku mpinduka z’itegekonshinga ryari guha umukuru w’igihugu ububasha bwisumbuyeho.

Abo bantu atavuze, yavuze ko "bashakaga kuzimanganya indoto z’umukuru w’igihugu".

Yongeyeho ati: "Nishwe n’amarira, nibyo, ariko ntidushobora kureka ngo igihugu cyacu kibure iyo kiva n’iyo kijya".

"Ntidushobora kureka amaraso ya Perezida Jovenel Moïse, umugabo wanjye, umukuru w’igihugu cyacu dukunda cyane kandi na we wadukundaga, ngo amenekere ubusa".

Perezida Moïse w’imyaka 53 yari umukuru w’iki gihugu cya mbere gikenye ku mugabane wa Amerika kuva mu 2017.

Ubutegetsi bwe ntibwari bworohewe kuko yahanganye n’ibirego byo kurya ruswa kandi mu ntangiriro z’uyu mwaka igihugu cyaranzwe n’imyiygaragambyo ikomeye mu murwa mukuru no mu yindi mijyi.

Amatora y’abadepite yari ateganyijwe mu kwezi kwa cumi 2019 ariko imyigaragambyo yatumye yigizwa inyuma, byumvikana ko ubutegetsi bwa Moïse bwari bushingiye ku mategeko we ashyiraho (décrets).

Polisi ya Haiti ivuga ko abenshi mu bacancuro bishe perezida Jovenel ari abanya Colombia, mu gihe babiri ari abanyamerika bakomoka muri Haiti.

17 mu bari bagize iryo tsinda bafatiwe mu murwa mukuru Port-au-Prince nyuma yo kurasana na Polisi. Batatu mu bakekwa barishwe, mu gihe abandi umunani bakirimo guhigwa.

Leta ya Colombia yemeye gufasha Haiti mu iperereza ryayo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubuhinde: Umugabo yafunzwe azira kwica umugore we amurishije inzoka...

Umugabo wo mu Buhinde, wahamwe no kwica umugore amurishije inzoka y’inshira...
13 October 2021 0

Ubufaransa: Gariyamoshi yishe abimukira batatu baryamye mu nzira

Abimukira batatu bishwe na gariyamoshi naho undi umwe arakomereka bikomeye...
13 October 2021 0

Umusemuzi wafashije mu gutabara Biden mu 2008 yahunze Afghanistan

Umusemuzi wo muri Afghanistan wafashije mu gutabara Joe Biden wari ukiri...
12 October 2021 0

Perezida Ndayishimiye n’umuryango we bagaragaye bari guhinga...

Umukuru w’igihugu cy’u Burundi,Ndayishimiye n’umuryango we bagaragaye bafashe...
11 October 2021 0

DR Congo: Uko amafaranga yo kurwanya Covid-19 yaburiwe irengero –...

Amafaranga yaburiwe irengero, uburyo bwo guhemba budasobanutse ndetse...
10 October 2021 0

Umubikira wo muri Colombia washimutiwe muri Mali mu 2017 yarekuwe

Umubikira wo muri Colombia mu myaka ine ishize washimutiwe muri Mali...
10 October 2021 0