Mu mwaka wa 2012 nibwo havutse umutwe wiyise M23, abarwanyi bawo bakuriwe na Ntaganda na Makenga, uvuga ko amasezerano ya leta na CNDP yo kuwa 23 Werurwe atubahirijwe.
Kuva icyo gihe, uyu mutwe wakomeje gushoza intambara mu duce dutandukanye tubarizwa mu burasirazuba bwa CONGO n’ingabo z’iki gihugu.
Mu mpera z’iki cyumweru dusoje nibwo Inyeshyamba za M23 zatangaje ko zisubiye inyuma zikava mu duce tw’akarere ka Rutshuru zari zarigaruriye mu mirwano yo mu minsi ishize.
Gusa ibi ntibiha (...)

Sponsored Ad

Mu mwaka wa 2012 nibwo havutse umutwe wiyise M23, abarwanyi bawo bakuriwe na Ntaganda na Makenga, uvuga ko amasezerano ya leta na CNDP yo kuwa 23 Werurwe atubahirijwe.

Kuva icyo gihe, uyu mutwe wakomeje gushoza intambara mu duce dutandukanye tubarizwa mu burasirazuba bwa CONGO n’ingabo z’iki gihugu.

Mu mpera z’iki cyumweru dusoje nibwo Inyeshyamba za M23 zatangaje ko zisubiye inyuma zikava mu duce tw’akarere ka Rutshuru zari zarigaruriye mu mirwano yo mu minsi ishize.

Gusa ibi ntibiha ikizere abaturage ko imirwano irangiye kuko uwo mutwe ugifite ibirindiro muri ako gace kandi kuhabavana "bisa n’ibyananiranye".

Mu itangazo, M23 yasohoye yavuga ko ivuye mu bice yari yafashe kugira ngo habeho ibiganiro hagati yayo na leta ya Congo kubyo isanzwe iyisaba, birimo kwemera imishyikirano bagahabwa imyanya mu butegetsi.

Mu duce turimo Kinyamahura, Rwambeho, Chengero, Mungo, Basare, bamwe mu baturage bavuga ko izo nyeshyamba za M23 nyine zasahuye amaduka y’abaturage zirimo zihava, nk’uko Radio Okapi ibivuga.

Icyakora inyeshyamba za M23 nazo zanyomoje aya makuru,zivuga ko Atari ukuri, ahubwo ashingiye ku ukwanduza izina rya M23 no kuyibeshyera.

Ibi byose byabaye nyuma y’imirwano yabashyamiranyije n’ingabo za leta kuwa gatanu no kuwa gatandatu, no mu minsi yabanje, ibica amarenga ko leta ya Congo yahagurukiye kurwanya umutwe wa M23 kurenza uko yakwemera kwicarana nayo ku meza y’ibiganiro.