Minisitiri w’ ububanyi n’ amahanga w’ igihugu cya Maroc, ku mugoroba wo kuri uyu wa Gatandatu tariki 17 yatangaje ko abaturage 6 b’ igihugu cye baguye mu nkongi y’ umuriro iherutse kwibasira umuturirwa wo mu gihugu cy’ u Bwongereza.
Nyuma yo kumenya ko mubatakarije ubuzima mu muturirwa w’ amagorofa arenga 20 “Grenfell” wibasiwe nk’ inkongi y’ umuriro, Umwami w’ igihugu cya Maroc Muhammed VI yavuze ko bagiye gukora uko bashoboye imirambo ya ba Nyakwigendera ikagezwa mu gihugu cya Maroc ndetse anizeza (...)

Sponsored Ad

Minisitiri w’ ububanyi n’ amahanga w’ igihugu cya Maroc, ku mugoroba wo kuri uyu wa Gatandatu tariki 17 yatangaje ko abaturage 6 b’ igihugu cye baguye mu nkongi y’ umuriro iherutse kwibasira umuturirwa wo mu gihugu cy’ u Bwongereza.

Nyuma yo kumenya ko mubatakarije ubuzima mu muturirwa w’ amagorofa arenga 20 “Grenfell” wibasiwe nk’ inkongi y’ umuriro, Umwami w’ igihugu cya Maroc Muhammed VI yavuze ko bagiye gukora uko bashoboye imirambo ya ba Nyakwigendera ikagezwa mu gihugu cya Maroc ndetse anizeza ubufasha imiryango y’ Abanya Maroc bafite ababo baguye muri iyo nkongi.

Jeunes Afriques dukesha iyi nkuru yatangaje ko amakuru ataremezwa neza aravuga ko hashobora kuba hari undi muturage wa Maroc waguye muri iyo nkongi, gusa uyu murambo uracyashakirwa imyirondoro n’ ubuyobozi bw’ igihugu cy’ u Bwongereza.

Uwo muturirwa wari ufite amacumbi 120 atuwemo n’ abaturage bagera kuri 600,. Kugeza ubu abagera kuri 70 ntaw’ uzi irengero ryabo.

Kuri uyu wa Gatandatu, polisi ya Londres yatangaje ko mu baburiwe irengero abagera 58 nta cyizere cy’ uko baba bagihumeka umwuka w’ abazima. Abantu 30 nibo byamaze gutangazwa ko baguye muri iyo nkongi.