Umutwe wa M23 nyuma yo kwigarurira Umujyi wa Minova wo muri Teritwari ya Karehe muri Kivu y’Amajyepfo, kuri uyu wa Mbere wigaruriye utundi duce tw’ingenzi.

Sponsored Ad

Uduce uyu mutwe wigaruriye turimo Centre ya Bweramana iherereye ku nkombe z’ikiyaga cya Kivu, ku muhanda munini uhuza imijyi ya Goma, Sake na Bukavu.

Amakuru kandi avuga ko izi nyeshyamba zanigaruriye agace ka KaLungu, aho zirukanye ihuriro ry’Ingabo ziganjemo iza Leta ya RDC ndetse n’iz’Abarundi.

Amashusho BWIZA yabonye yerekana ziriya nyeshyamba zakirwa n’abaturage ubwo zageraga muri Centre ya Kalungu.

Amakuru avuga ko nta gihindutse M23 ishobora no kwigarurira Umujyi wa Sake, nyuma y’igihe kirekire irwanira n’Ihuriro ry’Ingabo za Leta y’i Kinshasa mu misozi iwukikije.