Ikinyamakuru Goma 24 News gikorera muri Congo, cyatangaje ko Ingabo z’Umuryango w’Abibumbye zashinzwe kugarura amahoro muri RDC,MONUSCO,arizo ziri gucukurira indake [imyobo ifasha abarwanyi kurwana] abasirikare ba RDC,FARDC,bakomeje gukubitwa inshuro na M23.
Igisirikare cya Repubulika Iharanira Demokarasi ya Congo [FARDC] kimaze iminsi gihanganye n’umutwe wa M23 aho bivugwa ko gifatanya n’itsinda ry’ingabo za MONUSCO ndetse n’imitwe imwe yitwaje intwaro ifite ibirindiro muri iki Gihugu nka FDLR (...)

Sponsored Ad

Ikinyamakuru Goma 24 News gikorera muri Congo, cyatangaje ko Ingabo z’Umuryango w’Abibumbye zashinzwe kugarura amahoro muri RDC,MONUSCO,arizo ziri gucukurira indake [imyobo ifasha abarwanyi kurwana] abasirikare ba RDC,FARDC,bakomeje gukubitwa inshuro na M23.

Igisirikare cya Repubulika Iharanira Demokarasi ya Congo [FARDC] kimaze iminsi gihanganye n’umutwe wa M23 aho bivugwa ko gifatanya n’itsinda ry’ingabo za MONUSCO ndetse n’imitwe imwe yitwaje intwaro ifite ibirindiro muri iki Gihugu nka FDLR na Mai Mai.

Goma24 News yerekanye amafoto y’aba basirikare bari mu butumwa bwa LONI bari kubaka izi ndeke, cyagize kiti “Ntibashobora no kwiyubakira Indeke. MONUSCO ni yo iri kubakira ibirindiro byo kwirwanaho bya FRDC biherereye i Rukoro mu bilometero 6 uvuye i Rutshuru rwagati. Mbega ikimwaro kuri FARDC yacu.”

Iki gisirikare cya Congo kimenyereye imirwanire y’ubu buryo bwo mu ndake, kimaze iminsi gikubitwa inshuro na M23 ndetse ejo barikanwe mu duce 15 bari barimo utundi batuvanwamo n’ubwoba.

Abasirikare ba FARDC banengwa na benshi kutaba abanyamwuga aho bivugwa ko iyo urugamba rubaye isibaniro bahitamo guhunga ndetse bamwe bakajya gusahura abaturage bashinzwe kurinda.