Iki gitero cyagabwe ku nzu y’umuvugizi w’ihuriro ry’amashyaka ari ku butegetsi muri RDC kibaye mbere y’amatora y’uzasimbura Perezida Joseph Kabila ku butegetsi

Sponsored Ad

Umuvugizi w’ihuriro ry’amashyaka ari ku butegetsi muri
RDC yavuze ko inzu ye yarashwe urufaya rw’amasasu mw’ijoro, mu murwa mukuru wa Kinshasa, mbere y’amezi abiri gusa ngo habe amatora rusange.

Umuvugizi w’ishyaka rya Perezida Joseph Kabira, Andre-Alain Atundu yagize ati:
"Nk’isamoya za mu gitondo inzu yanjye yarashwe urufaya rw’amasasu n’abantu batamenyekanye bari mu modoka yo mu bwoko bwa Toyota IST."
Yabwiye ibiro ntaramakuru AFP ati:"Nta muntu n’umwe wagize icyo aba ariko hari byinshi byononekaye. Hejuru y’inzu hononekaye, imodoka zanjye ebyiri na zo zitobagurwa n’amasasu."

Umunyamakuru wa AFP kandi yiboneye intoboro z’amasasu.

Atundu yahoze ashinzwe umutekano w’igihugu, ni we kandi uyoboye ishyirahamwe ry’umuyagankuba muri ico gihugu ca Congo.

Amakimbirane ari kugenda arushaho kwiyongera mu gihe hateganyijwe amatora muri iki gihugu.
Perezida Kabila wari ku butegetsi kuva mu 2001 yavuze ko ataziyamamaza mu matora yagiye asubikwa ubu akaba azaba tariki ya 23 z’ukwezi kwa 12.

Amezi yo kugira impungenge ku mugambi wa Kabila wo kuba yakongera kwiyamamariza kuyobora yaranzwe n’imyigaragambyo yahitanye abatari bake, arangirana n’ukwezi kwa Munani avuze ku mugaragaro ko ataziyamamaza aza gushyigikira undi mu candida watanzwe n’ishyaka rye Emmanuel Shadary.

Urutonde rw’abaziyamamaza rwatangajwe mu kwezi gushize ruruho abatavuga rumwe na leta nka Felix Tchisekedi na Vital Kamerhe ariko runigizayo uwahoze ari inyeshyamba Jean-Pierre Bemba hamwe n’umunyemari Moise Katumbi – ibintu byamaganywe n’abayoboke babo.