skol

Somalia: Umudepite yishwe n’umwiyahuzi wihambiriyeho ibisasu

Amakuru   Yanditswe na: Dusingizimana Remy 24 March 2022

Abantu bagera kuri 15, barimo umudepite w’umugore mu nteko ishingamategeko ya Somalia, biciwe mu bitero bibiri by’ubwiyahuzi i Beledweyne hagati muri Somalia kuwa gatatu nimugoroba.

Minisitiri w’intebe Mohamed Hussein Roble yise urupfu rwa Amina Mohamed Abdi "ubwicanyi".

Amina Mohamed Abdi wari uhagarariye abagore akaba n’umwe mu batavugarumwe n’ubutegetsi, yishwe arimo kwiyamamariza manda ya gatatu mu nteko.

Abatangabuhamya babonye ibyabaye bavuga ko umugabo w’umwiyahuzi yihuse agana kuri Amina akamuhobera maze agaturitsa ibisasu yari yihambiriyeho. Amina ari mu bahise bapfira aho.

Perezida Mohamed Abdullahi Farmajo wa Somalia yatangaje ubutumwa kuri Twitter bwihanganisha abanya-Somalia muri rusange, n’umuryango wa Amina by’umwihariko.

Amina wari ufite imyaka 40 yari mu nteko ishingamategeko kuva mu 2012, umwanya yatangaje ko yatorewe nyuma yo kubuzwa n’abo mu bwoko bwe kwiyamamaza. Ubu yari umwe mu bagore 81 mu badepite 275 bagize inteko ishingamategeko ya Somalia.

Abandi bapfuye muri ibi bitero harimo uwahoze ari umudepite Hassan Dhuhul ndetse n’abasirikare ba Somalia.

Ibinyamakuru muri Somalia bivuga ko abapfuye bashobora kuba ari benshi kurusha umubare watangajwe.

Televiziyo y’igihugu yatangaje kuri Twitter amafoto agaragaza abapfuye muri ibi bitero byo kwiturikirizaho za bombe ngo zice benshi.

Ibitero by’i Beledweyne byabaye hashize amasaha umutwe wa al-Shabab wishe abantu umunani, barimo abanyamahanga, mu gitero wagabye ku kigo kirinzwe cyane kibamo ibiro bya ONU n’ibiro by’intumwa z’amahanga ku kibuga cy’indege mu murwa mukuru.

Al-Shabab yavuze ko ariyo iri inyuma y’ibi bitero by’i Mogadishu n’i Beledweyne.

Uyu mutwe wongereye ibitero ahanyuranye mu gihugu mu gihe Somalia yinjiye mu matora muri iki cyumweru, amatora yatindijwe cyane.

Al-Shabab iharanira ko Somalia igendera ku itegeko rikarishye rya Sharia, irwanya leta ya Mogadishu n’ingabo zoherejwe kubungabunga amahoro muri iki gihugu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RDC: Mu ijwi riranguruye Abajepe basabye Perezida Tshisekedi kubaha intwaro...

Abarinda Perezida Felix Tshisekedi wa Repubulika ya Demokarasi ya Kongo...
24 June 2022 0

#CHOGM2022: Boris Johnson yashinje Putin guteza inzara ku isi

Minisitiri w’intebe w’Ubwongereza Boris Johnson yashinje Perezida Vladimir...
24 June 2022 0

Hamenyekanye impamvu ya myigaragambyo yo gutwika "Made in Rwanda"I Goma...

Umuyobozi w’Akarere ka Rubavu, Kambogo Ildephonse yatangaje ko akomeje...
24 June 2022 0

M23 winjiye mu ntambara yo kongera gufata Rumangabo no kwerekeza I...

Umutwe wa M23 wakomeje imirwano kugira ngo wongere gufata ikigo cya...
24 June 2022 0

Perezida Ndayishimiye yiyemeje guhana abapolisi bamunzwe na ruswa ku kibuga...

Perezida Evariste Ndayishimiye yemeje ko abapolisi bakorera ku kibuga...
24 June 2022 0

Abasirikare ba Ukraine babwiwe kuva muri Severodonetsk

Abasirikare ba Ukraine bari mu mujyi wa Severodonetsk mu burasirazuba...
24 June 2022 0