skol

Umunsi w’Intsinzi:Putin yashinje ibihugu byo mu Burengerazuba gushaka gutera Uburusiya

Amakuru   Yanditswe na: Dusingizimana Remy 9 May 2022

Perezida Vladimir Putin avuga ko ibihugu Byo mu Burengerazuba bw’isi byanze kumva Uburusiya kubera ko byari bifite izindi gahunda zirimo kubutera.

Mu ijambo yavugiye ku kibuga ’gitukura’ (PLace Roge/Red Square) i Moscou, Putin yavuze ko ibihugu byo mu Burengerazuba birangajwe imbere na Amerika byarimo "bitegura gutera ubutaka bwacu, harimo na Crimée /Crimea".

Yabwiye ingabo ko intambara zirimo ubu zirimo kurwanira umutekano w’Uburusiya.

Yakomeje ijambo rye avuga ko "igikorwa kidasanzwe cya gisirikare" muri Ukraine cyari gikenewe kandi ko cyaziye igihe.

Avuga ko ari "umwanzuro nyawo" nk’igihugu cyigenga kandi gikomeye.

Putin yavuze kandi ko igihugu kizakora "ibishoboka byose" kigafata mu mugongo imiryango yose yagizweho ingaruka n’intambara ya Ukraine.

Ati: "Umusirikare uwo ari we wese upfuye adutera umubabaro".

OTAN/NATO ’akaga gakomeye’ ku Burusiya - Putin

Perezida Vladimir Putin avuga ko imyaka itatu ishize yaranzwe n’umwuka mubi n’ibindi bihugu by’i Burayi, hamwe na OTAN.

Avuga ko Uburusiya "bwasabye ibiganiro n’Uburayi, ariko ntibashatse kutwumva", akavuga kandi ko burimo butegura ibindi bihano kuri Donbas mu burengero bwa Ukraine, aho avuga ko ubu ibikorwa by’Uburusiya ari ho byibanze.

"I Kyiv bahora bavuga ko bashobora kubona intwaro za nikleyeri mu gihe OTAN yari yatangiye kwiga akarere katwegereye, ibi bikaba byarabonetse ko kari akaga ku gihugu cyacu no ku mipaka yacu. Ibintu byose byatwerekaga ko tugomba kurwana".

Hagati aho, ibihugu byinshi kw’isi n’amashyirahamwe mpuzamahanga nka ONU, bifata igitero cy’Uburusiya muri Ukraine ari igitero kinyuranyije n’amategeko.

Putin yasabye umunota wo kunamira Abarusiya bapfiriye mu ntambara ya kabiri y’isi yose ariko kandi n’abasirikare barimo bararwanira Uburusiya muri Donbas.

Nk’uko abatari bake bari babyiteze, nta kintu gikomeye yatangaje ku migambi yaba afite.

Ku ruhande rwe, Perezida Volodymyr Zelensky yasohoye video irimo ubutumwa yahaye abaturage mu kwizihiza intsinzi ku ba-Nazi b’Abadage mu ntambara ya kabiri y’isi yose, aho avuga ko igihugu cye kizatsinda intambara kirimo n’Uburusiya.

Zelensky avuga kandi ko Ukraine idashobora kurekura "agace na gato k’ubutaka bwacu" ngo kigarurirwe n’Uburusiya.

Ati: "Turimo turarwanira intsinzi nshya. Ni inzira itoroshye ariko nta gushidikanya dufite tugomba gutsinda".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uburusiya bwigaruriye Umujyi wa Mariupol:Abasirikare ba nyuma ba Ukraine...

Urugamba rwo mu mujyi wo ku cyambu wa Mariupol mu majyepfo ya Ukraine...
18 May 2022 0

Umunyamategeko wa Sgt Robert Kabera afite impungenge ko ’ashobora koherezwa...

Umunyamategeko w’umusirikare w’u Rwanda wahungiye muri Uganda yandikiye...
18 May 2022 0

Turukiya:Perezida Erdogan yiyemeje guhangayikisha Finland na Sweden bishaka...

Perezida wa Turukiya yongeye kuvuga ko adashyigikiye ko Finland na Suède...
17 May 2022 0

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0

Ukraine yigambye kwisubiza Kharkiv no kwica ingabo 27000 z’Abarusiya

Ikigo cyigisha ibijyanye n’intambara Institute for the Study of War,...
14 May 2022 0

AMERICA yaburiye ibitero by’ibyihebe mu burasirazuba bwa Congo

Guverinoma ya Amerika yaburiye ko hari ibitero by’abiyahuzi bishobora gutera...
13 May 2022 0