Perezida wa Turikiya Recep Tayipp Erdogan yavuze ko umugambi wo kwica umunyamakuru w’ Umunyaturikiya wiciwe muri Ambasade ya Arabia Saoudite wari warateguwe igihe kirekire.

Sponsored Ad

Yabikomojeho mu ijambo yagejeje ku badepite bo mu ishyaka riri ku butegetsi kuri uyu wa Kabiliri tariki 23 Ukwakira 2018.

Yavuze ko Turikiya ifite ibihamya bikomeye ko Khashoggi yishwe ’bunyamaswa’ kandi byateguwe mu nzu nserukiragihugu ya Arabia Saudite i Istanbul itariki 2 z’ukwezi kwa cumi.
Yanasabye ko abakoze ubwo bwicanyi baburanyishirizwa muri Istanbul.
Kugeza ubu ntabwo umurambo w’ uyu munyamakuru uraboneka.
Arabia Saudite itanga amakuru atandukanye. Yabanje kuvuga ko uyu munyamakuru yasohotse muri ambasade ari muzima. Ker kabaye mu mpera z’ icyumweru ivuga ko yapfuye aterana ibipfunsi n’ abagabo bahuriye muri ambasade.

Umunyamakuru Jamal Khashoggi yakoreraga ikinyamakuru Washington DC cyo muri Amerika.

BBC yatangaje ko iri jambo rya Perezida Recep Tayyip Erdogan ryahuriranye n’ itangizwa ry’ inama y’ubukungu muri Arabia Saudite itagenze neza kubera urupfu rwa Khashoggi, aho ibihugu birenga 20 n’ indi miryango batayitabiriye.

Perezida wa Turikiya yavuze iki?

Perezida Erdogan yemeje ko abantu 18 bamaze guhagarikwa muri Arabia Saudite kubera urwo rupfu. Ariko ntiyigeze yerekana ibyemezo byerekeye ubwo bwicanyi.
Ntiyigeze agira icyo avuga ku majwi cyanwa video byagiye bivugwa mu binyamakuru mu minsi yakurikiye ishimutwa ry’uwo munyamakuru.

Perezida Erdogan yavuze ko amatsinda atatu y’abantu 15 bo muri Arabia Saoudite banjiye mu wa Istanbul mu ndege zitandukanye mu minsi n’amasaha y’imbere y’uko ubwo bwicanyi buba.
Yavuze ko umunsi umwe imbere y’urwo rupfu, bamwe mubagize ayo matsinda bagiye mu ishyamba rya Belgrad, hafi y’inzu ya ambasade.