skol

Yirasiye umwana we aramwica amwitiranyije n’igisambo kije kumwiba

Amakuru   Yanditswe na: Dusingizimana Remy 31 December 2021

Umukobwa w’ingimbi yishwe na se mu gitondo cyo ku wa gatatu mu byagaragaye ko ari ikibazo cyo kumwitiranya n’igisambo cyinjiye mu ibanga.

Abashinzwe iperereza barimo kwiga ku rupfu rwa Janae Hairston w’imyaka 16, wa Columbus, Ohio, warasiwe mu igaraje ryo mu rugo iwabo.

Mu guhamagara 911, nyina wa Hairston yavuze ko se w’umukobwa ariwe wamurashe, kubera ko yatekerezaga ko ari umujura winjiye mu rugo rwabo, nk’uko byatangajwe na Columbus Dispatch.

ABC yatangaje ko inyandiko za polisi zavuze ko se wa Hairston yibwiraga ko ari umuntu winjiye mu nzu ye niko kurasa ako kanya aba aramwishe.

Dispatch yatangaje ko se yumvikanye ahamagara abaza icyo umukobwa we yakoraga hanyuma we na nyina bumvikana bamwinginga ngo ahaguruke.

Ishami rya polisi rya Columbus rivuga ko abapolisi bageze muri urwo rugo ahagana mu ma saa kumi n’iminota 28 za mu gitondo maze Hairston ajyanwa mu bitaro bya Mount Carmel East amerewe nabi.

Abashinzwe iperereza bavuze ko yapfuye saa kumi n’imwe n’iminota 42 za mu gitondo.

Ishami rya polisi rya Columbus ntiryahise ritanga ibisobanuro birambuye ku rupfu rw’uyu mukobwa, ariko ryashyikirije ubushinjacyaha bw’intara ya Franklin iyo dosiye kugira ngo isuzumwe.

Kuva ku wa kane mu gitondo, nta byaha biratangazwa.

Ikigo cya The Canal Winchester School cyavuze ko Hairston yari muto muri iryo shuri ryisumbuye kandi cyoherereje imiryango iharerera ibaruwa ibamenyesha iby’urupfu rwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Eugene Hakorimana

    Mbega inkuru ibabaje.
    Gusa uwo muryango niwihangane.
    Kandi umukobwa ntago aba injyimbi ahubwo aba umwangavu.

    3 weeks ago

Inzindi nkuru

Ukraine: Joe Biden yaburiye igihe Uburusiya bushobora kugaba...

Perezida Joe Biden wa Leta zunze ubumwe za Amerika yaburiye ko "bishoboka...
28 January 2022 0

Ingabo z’u Burundi zongeye kugaba ibitero ku nyeshyamba za RED...

Ingabo z’u Burundi zagabye igitero ku nyeshyamba za RED_Tabara zirwanya...
27 January 2022 0

RDC: M23 yishe abasirikare barenga 20 ba Kongo

Abasirikare barenga 20 ba Repubulika ya demokarasi ya Kongo biciwe mu...
27 January 2022 0

Uganda: Maj. Gen Kandiho “wavuzweho guhohotera Abanyarwanda” yakuwe ku mirimo...

Perezida wa Uganda Yoweli Kaguta Museveni yakuye ku mwanya w’Umuyobozi wa...
25 January 2022 0

Perezida wa Malawi yirukanye abagize guverinoma bose

Perezida Lazarus Chakwera wa Malawi yirukanye abagize guverinoma bose...
25 January 2022 0

Umupolisikazi yishe umugabo we amusanze mu kazi arangije nawe...

Abashinzwe iperereza mu Ntara ya Trans Nzoia muri Kenya barimo gukora...
25 January 2022 0