Ubushakashatsi bwa karindwi ku bwiyongere n’ubuzima bw’abaturage, DHS 7, bw’umwaka wa 2025, bugaragaza uburyo Abanyarwanda benshi baba abagore cyangwa abagabo; bakorana imibonano mpuzabitsina n’abarenze umwe.

Imibare igaragaza ko muri rusange abagore 2% bari hagati y’imyaka 15 na 49 baryamanye n’abantu barenze babiri mu mezi 12 yari ashize, icyakora 41% bakoresheje agakingirizo mu gihe giheruka.

Abagore 11% bari hagari y’imyaka 15 na 49 bakoranye imibonano mpuzabitsina n’abatari abagabo babo ndetse batigeze babana; 45% byabo bagaragaza ko mu gikorwa cyari giherutse bakoresheje agakingirizo.

Mu bagore 5.386 babajijwe bari hagati y’imyaka 15 na 24, abaryamanye n’abagabo barenze babiri mu mezi 12 ashize ni 2,0%. Abayikoranye n’abatari abagabo babo cyangwa abo batabana bari 13,0%.

Mu bagore 2.897 bari hagati y’imyaka 15 na 19 babajijwe, 1,3% ni bo bayikoranye n’abarenze babiri mu gihe abari muri iki kigero baryamanye n’abatari abagabo babo cyangwa abo batabana mu mezi 12 yari ashize bari 9,4%.

Mu bagore 2.489 bari hagati y’imyaka 20 na 24 babajijwe, abakoranye imibonano mpuzabitsina n’abantu barenze babiri bari ku ijanisha rya 2,9% mu gihe abaryamanye n’abatari abagabo babo cyangwa abo batabana mu mezi 12 bari 17,3%.

Mu bari hagati y’imyaka 25 na 29, abaryamanye n’abantu barenze babiri mu mezi 12 ashize bari 2,3 %, mu gihe abaryamanye n’abatari abagabo babo cyangwa abo batabana mu mezi 12 ashize bari 13,3%.

Mu bagore 3.790 bari hagati y’imyaka 30 na 39 babajijwe, abangana na 1,9% bavuze ko baryamanye n’abagabo barenze babiri mu mezi 12 ashize mu gihe bene abo, abaryamanye n’abatari abagabo babo cyangwa abo batabana mu mezi 12 bari 9,9%.

Ni mu gihe mu bagore 3.074 bari hagati y’imyaka 40 na 49 babajijwe abaryamamye n’abagabo barenze babiri mu mezi 12 yari ashize bari 1,4% mu gihe abaryamanye n’abatari abagabo babo cyangwa abo batabana bari 7,1%.

Abagore baryamanye n’abagabo barenze babiri bari bari hagati y’imyaka 15 na 24 bari 47,1%, abari hagati y’imyaka 15 na 19 baryamanye n’abarenze babiri mu mezi 12 yari ashize, abakoresheje agakingirizo bari 36,8 % mu mibonano mpuzabitsina yaherukaga.

Abari hagati y’imyaka 20 na 24 bakoresheje agakingirizo mu mibonano mpuzabitsina baherukaga gukora ariko baryamanye n’abarenze babiri mu mezi 12 ni 52,3%.

Ni mu gihe mu bari hagati y’imyaka 25 na 29 baryamanye n’abarenze babiri mu mezi 12 yari ashize, abakoresheje agakingirizo byibura mu gikorwa giheruka bari 45%, na ho abafite hagati y’imyaka 30 na 39 baryamanye n’abarenze babiri mu mezi 12 aheruka bagakoresheje byibuze mu gihe giheruka bari 39,8%.

Mu bari hagati y’imyaka 40 na 49 baryamanye n’abarenze babiri mu mezi 12 yari aheruka, abangana na 27,5% ni bo bakoresheje agakingirizo mu gikorwa giheruka.

Mu cyiciro cy’abakoranye imibonano mpuzabitsina n’abatari abagabo babo cyangwa abo batabana, abari n’abategarugori bari hagati y’imyaka 15 na 24 bakoresheje agakingirizo ni 47,4%.

Abari muri iki cyiciro ariko bafite imyaka iri hagati ya 15 na 19, 43,0% ni bo bavuga ko bakoresheje agakingirizo mu gihe 50,2 % by’abari hagati y’imyaka 20 na 24 ari bo bagakoresheje.

Mu bagore bari hagati y’inyaka 25 na 29 baryamanye n’abatari abagabo babo cyangwa abo batabana mu mezi 12, 48% ni bo bakoresheje agakingirizo mu gikorwa giheruka mu gihe mu bafite imyaka 30 na 39 bagakoresheje bari 43,2%, naho abari hagati y’imyaka 40 na 49 baryamanye n’abatari abagabo babo cyangwa abo batabana ,abagakoreshe mu gikorwa giheruka bari 35,5%.

Abari 5505 batarashatse abagabo babajijwe muri ubu bushakashatsi, bavuze ko abaryamanye n’abarenze babiri mu mezi 12 bari 2,0%. Abarenga 54,3% bavuze ko bakoresheje agakingirizo.

Mu bagore bashatse abagabo ndetse babana, abangana na 0,8% mu barenga 74.00 babajijwe ni bo bemeje baryamanye n’abantu barenze babiri mu mezi 12 ashize.

Muri bo kandi 19,1% baryamanye n’abatari abagabo babo mu gihe 54,3% baryamanye n’abantu barenga babiri bakoresheje agakingirizo mu gikorwa giheruka, naho abaryamanye n’abatari abagabo babo bakoresheje agakingirizo bari 47%.

Abagore batandukanye b’abo bari harashakanye cyangwa bapfakaye, abaryamanye n’abantu barenze babiri mu mezi 12 yari ashize bari 5,8% ndetse 45,5% bakoresha agakingirizo.

Muri bo 31,1% baryamanye n’abatari abagabo babo cyangwa abo batabana ndetse 79% bakoresha agakingirizo mu gikorwa giheruka.

Abagabo mbarwa bakoresheje agakingirizo

Muri rusange abagabo bagera kuri 6% bari hagati y’imyaka 15 na 49 bafite abarenga babiri baryamanye na bo. Muri bo 30% ni bo bakoresheje agakingirizo mu gikorwa giheruka.

Abagaba bangana na 15% bafite imyaka iri hagati ya 15 na 49 bakoranye imibonano mpuzabitsina n’abatari abagore babo ndetse batigeze banabana mu mezi 12 yari ashize.

Abagabo 60% ni bo byibuze bakoresheje agakingirizo mu gikorwa baherukaga cyo gukorana imibonano mpuzabitsina n’abo batashakanye.

Mu bagabo bafite imyaka iri hagati ya 15 na 49 babajijwe, bemeje ko bakoranye n’abantu barenze batatu imibonano mpuzabitsina.

Ab’igitsina gabo bari hagati y’imya 15 na 24 bakoramye imibonano mpuzabitsina n’abantu barenze babiri mu mezi 12 ashize bari kuri 3,5% mu bantu 2356 babajijwe, muri bo 63% bakoresheje agakingirizo mu gikorwa giheruka.

Muri bo, abakoranye imibonano mpuzabitsina n’abatari abagore babo cyangwa batabana mu mezi 12 ashize bari 14%, icyakora 73% bavuze ko bakoresheje agakingirizo mu gikorwa giheruka bakoze.

Ku b’igitsina gabo bari hagati y’imyaka 15 na 19, abangana na 1% ni bo bakoranye imibonano mpuzabitsina n’abarenze babiri mu mezi 12 yari ashize.

Abo muri iki kigero cy’imyaka abangana na 6,1% bakoranye imibonano mpuzabitsina n’abatari abagore babo cyangwa abo batabana. Aba kandi 74% bakoresheje agakingirizo byibuze mu gikorwa cyaherukaga.

Ku bari hagati y’imyaka 20 na 24, abangana na 6,9% bakoranye imibonano n’abarenze babiri ariko 58,7% by’abaryamamye n’abarenze babiri bakoresheje agakingirizo byibuze mu gikorwa cyaherukaga.

Mu bantu 1019 babajije, 24,5% bakoranye imibonano mpuzabitsina n’abatari abagore babo cyangwa abo batabana mu mezi 12 yari ashize. Muri bo, 73,8% bakoresheje agakingirizo mu gikorwa giheruka.

Mu bagabo bari hagati y’imyaka 25 na 29, abangana na 8,6% bakoranye imibonano mpuzabitsina n’abarenze babiri mu mezi 12 yari ashize, 30% muri bo ni bo bakoresheje agakingirizo mu gikorwa giheruka.

Abari muri iyi myaka y’ubukure kandi baryamanye n’abatari abagore babo cyangwa batabana bari 23,7%, ariko 67% ni bo bakoresheje agakingirizo mu gikorwa giheruka.

Mu b’igitsina gabo bari hagati y’imyaka 30 na 39 baryamanye n’abagore barenga babiri mu mezi 12 yari aheruka ni 8,7%, abangana na 22% bakoresha agakingirizo mu gikorwa giheruka.

Muri abo, abaryamanye n’abagore batari ababo cyangwa abo batabana mu mezi 12 yari ashize ni 14,3%. Abangana na 64,1 ku baryamanye n’abatari abagore babo mu mezi 12 ashize byibuze bakoresheje agakingirizo mu gikorwa giheruka.

Mu bagabo bari hagati y’imyaka 40 na 49, abangana na 7% baryamanye n’abarenze babiri mu mezi 12 yari ashize. Muri bo 8,9% ni bo bakoresheje agakingirizo mu gikorwa guheruka.

Abo muri iki kigero baryamanye n’abatari abagore babo bari 11% icyakora 66% ni bo bakoresheje agakingirizo mu gikorwa giheruka.

Mu bagabo batashatse 1236 babajijwe, 4,7% bakoranye imibonano mpuzabitsina n’abarenze umwe mu mezi 12 yari ashize. Abangana na 69% bakoresheje agakingirizo mu gikorwa giheruka.

Mu bashakanye babana, abangana na 7,4% baryamanye n’abagore barenze umwe mu mezi 12 yari ashize ndetse abangana na 4,9% ni bo bakoresheje agakingirizo mu gikorwa giheruka.

Abagabo bari muri iki cyiciro cy’imyaka iri hagati ya 40 na 49, abangana na 7,5% baryamanye n’abatari abagore babo cyangwa abo batabana, icyakora 61,3% bakoresha agakingirizo mu gikorwa baheruka.

Abagabo 14,5% bahawe gatanya baryamanye n’abantu barenze babiri mu mezi 12 yari ashize, 54% baryamanye n’abatarabaye abagore babo cyangwa abo batabana, abangana na 64,5 bakoresha agakingirizo mu gikorwa cyabanje.