Ikinyamakuru gikomeye ku isi mu gukora intonde z’ibyamamare bikize ndetse n’ibihugu bifite ubwiza nyaburanga,Forbes,cyashyize u Rwanda mu bihugu 10 bituje ba mukerarugendo bakwiye gutembereramo mu mwaka utaha wa 2019.

U Rwanda nicyo gihugu cyonyine cyo muri Afurika y’ Iburasirazuba kiri kuri uru rutonde nubwo muri Africa harimo ibindi nka Ethiopia, Madagascar.

Igituma u Rwanda ruza kuri uru rutonde ni ukubera ingagi zikurura ba mukerarugendo,Bisate Lodge na ‘Magashi’ Lodge izafungurwa vuba aha muri Pariki y’ Akagera.

U Rwanda ni kimwe mu bihugu bifite umutekano ndetse rwita ku nyamaswa bityo bamwe muri ba mukerarugendo barusuye bagiye baruvuga imyato byatumye Forbes Magazine itangaza ko ari kimwe mu bihugu bituje bikwiriye gusurwa cyane muri 2019.

Uretse u Rwanda ibindi bice byavuzwe ko bituje ndetse bikwiriye gusurwa ni Portugal, Eastern Bhutan, Cabo/Los Cabos, Mexico, Colombia, Ethiopia, Madagascar, Mongolia, Pakistan na The Turkish Riviera.

U Rwanda rukomeje gushyira ingufu mu bukerarugendo kuko rwagerageje kugura inyamaswa zari zarazimiye zirimo intare n’ inkura zirabura.

Muri Gicurasi 2018 u Rwanda rwasinyanye n’ikipe ya Arsenal amasezerano y’imyaka 3 kugira ngo iyi kipe igjye yambara imipira yanditseho Visit Rwanda ku kuboko.