Iyi ni imwe mu nyubako zazamuwe muri Kigali, ifoto yakuwe kuri internet
Abayede n’ abafundi nibo bari bamenyereye kurya ku mafaranga y’ ibikorwa by’ ubwubatsi. Magingo aya hiyongereyeho n’ abashinzwe gutera abandi umurava bifashishije indirimbo; aba bahembwa amafaranga aruta ay’ umuhereza w’ umwubatsi (umuyede).
Morale mu mirimo ikunze gukenerwa cyane iyo abari mu kazi barimo guterura ikintu kiremereye ku buryo bibasaba guhurizahamwe ingufu zabo, yongera gukoreshwa cyane iyo abakozi (…)

Iyi ni imwe mu nyubako zazamuwe muri Kigali, ifoto yakuwe kuri internet

Abayede n’ abafundi nibo bari bamenyereye kurya ku mafaranga y’ ibikorwa by’ ubwubatsi. Magingo aya hiyongereyeho n’ abashinzwe gutera abandi umurava bifashishije indirimbo; aba bahembwa amafaranga aruta ay’ umuhereza w’ umwubatsi (umuyede).

Morale mu mirimo ikunze gukenerwa cyane iyo abari mu kazi barimo guterura ikintu kiremereye ku buryo bibasaba guhurizahamwe ingufu zabo, yongera gukoreshwa cyane iyo abakozi bubaka barimo kumenya beto kuko beto iyo uyitangiye ugomba kuruhuka ari uko uyirangije.

Mu bwubatsi abakozi n’ abakoreshwa bahuriza ku kuba morali ari ingirakamaro kuko ituma akazi kihuta nk’ uko babitangarije Radio Flash

Umwe yagize ati “Iyo turi muri morali gutya tuba turi umuntu umwe, twese tuba twafashe misiyo yo kugira ngo dutahe hakiri kare”

Nyirahakuzimana Esther “Iyo bari gusakuza gutya ntabwo umuntu aca hirya ngo ace hino, bituma twese dukora dushize hamwe”

Nyirahakuzimana akomeza avuga ko badashyizeho morali umuntu yakomeza agatekereza ibibazo yasize mu rugo inzara ikaba yanamwica.

Umufundi Leonard Habimana yatangaje ko iyo barimo kumena beto morali ifasha kuko iyo umuntu arimo agenda yikoreye igikarayi wenyine bituma acika intege.

Ati “Nk’ abafundi ugomba gukora umurimo ubikunze, iyi morali ituma bakora akazi bagakunze. Urabona iyi beto baba barimo kumena bisaba kugira courage(umurava) kugira ngo irangire. Iyo abantu bakoze bashyize hamwe gutya bitandukanye na wawundi ugenda ari umwe kuko acika intege vuba”.

Habimana yongeraho ko iyo abayede bari kuri morali bakora ahantu hanini kuruta aho bakora bacecetse kuko buri umwe yumva umurindi wa mugenzi bikamwongerera umurava.

Mukeshimana Vedaste upatana ibikorwa by’ ubwubatsi avuga ko abatera abandi ingufu abahemba 5000 abayede akabahemba 3000

Ati “Morali ituma abayede badacika intege, niba umuyede tumuhemba bitatu haba harimo abantu bariya baririmba umwe tumuha ibihumbi 5000”

Indirimbo za morale ubusanzwe zimenyerewe igihe abantu bahuriye ahantu bakahatinda; zikoreshwa kugira uwari ugiye gusinzira akanguke. Zinakoreshwa kandi no muri siporo rusange ya ikunze kuba mu gitondo ku bantu benshi bateraniye ahantu hamwe izwi ku izina rya “mucaka”.