skol

U Rwanda rwagaragaje uko rwiteguye kwakira inama ya Commonwealth

Amakuru   Yanditswe na: SHEMA EMMANUEL 15 February 2022

U Rwanda rumaze Gutanga asaga miliyoni 4.7$ z’amadolari, mu rwego rwo kwitegura kwakira inama y’abayobozi ba Commonwealth (CHOGM) izabera i Kigali muri Kamena uyu mwaka mu cyumweru kizatangira tariki 20 Kamena 2022.

Iyi nama yagombaga kubera i Kigali bwa mbere muri Kamena 2020, imaze gusubikwa kabiri kubera icyorezo cya Covid-19. Mbere yo gusubikwa bwa mbere, u Rwanda rukaba rwari rwarateguye amafaranga agera kuri miliyari 10 (miliyoni 10.5 $) yo kunoza no kubaka ibikorwa remezo bikenewe muri ibyo birori ndetse bimwe bikaba byari byaramaze gukorwa.

Mu nkuru y’ikinyamakuru the East African, Minisitiri w’imari n’igenamigambi Dr Uzziel Ndagijimana, atangaza ko U Rwanda rwari rumaze igihe kinini ryitegura (CHOGM) ndetse ko ibikorwa bimwe na bimwe byagombaga gukorwa byarangiye, avuga ko Mu ngengo y’imari hari amafaranga bongeyemo azakoreshwa mu gusoza ibitarakorwa Ndetse ko andi mafaranga azakoreshwa mu kwakira abazitabira iyi nama.

Ati: " Tumaze igihe kinini twitegura CHOGM, kuburyo byinshi mu byagombaga gukorwa byakozwe. muri iyi ngengo y’imari twagennye amafaranga agomba kuzuza ibintu bitaruzura. Amafaranga asigaye azakoreshwa mu bijyanye no kwakira intumwa za CHOGM."

Dr uzziel Ndagijimana avuga u Rwanda rwiteguye neza kwakira inama ya CHOGM

Guverinoma y’u Rwanda yakoresheje ingengo y’imari ya 2020, yubaka ibikorwaremezo bitandukanye birimo imihanda minini n’imito ihuza ibice bitandukanye by’umujyi wa Kigali, n’ibikorwa bijyanye naho ahantu bazajya bidagadurira ndetse na parike.

Nubwo iyi nama izaba ari inama idasanzwe u Rwanda Rwakiriye mu mateka yarwo, iki gihugu kizaba gishingiye ku bunararibonye bukomeye cyagaragaje mu kwakira ibirori bikomeye birimo, nk’Ihuriro ry’ubukungu bw’isi, inama y’inteko rusange ya AU, ndetse n’inama ya AFDB.

Biteganyijwe ko iyi nama izitabirwa n’abagera ku 10,000 baturutse mu bihugu 54 bigize Umuryango w’ibihugu bikoresha ururimo rw’icyongereza, Inama ya CHOGM iteranira muri kimwe mu bihugu bigize Commonwealth buri myaka ibiri, igafatirwamo imyanzuro ikomeye irebana na demokarasi, iterambere ridaheza, kubaka inzego n’imiyoborere, ubutabera n’uburenganzira bwa muntu.

U Rwanda rugeze kure imyiteguro ya CHOGM izaba muri Kamena

Author : SHEMA EMMANUEL

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abunganira Bucyibaruta ntibizera ukuri kw’abatangabuhamya bafunzwe

Ku munsi wa gatanu w’urubanza rwa Bucyibaruta, ubwo harebwaga Filimi...
18 May 2022 0

Huye: Uwasambanyije Umwana yavuze ko yabitewe n’amadayimoni na Primus...

Umugabo w’imyaka 55 y’amavuko wo mu Karere ka Huye ukurikiranyweho gusambanya...
11 May 2022 0

Ubuzima bw’abaryamana bahuje ibitsina bagiye koherezwa n’u Bwongereza...

Lata y’u Bwongereza yatekereje by’umwihariko ku baryamana bahuje ibitsina ,...
11 May 2022 0

Icyiciro cya mbere cy’abimukira kizazanwa mu Rwanda cyamenyeshwejwe igihe...

Abimukira bari mu Bwongereza mu buryo bunyuranyije n’amategeko, bamwe muri...
10 May 2022 0

Abadepite Batumije Minisitiri w’Ibidukikije mu nteko

Inteko rusange y’Umutwe w’Abadepite, yafashe icyemezo cyo gutumiza Minisitiri...
5 May 2022 0

Burera: Inyubako y’ubucuruzi no guturamo yahiye ibirimo birakongoka...

Imiryango irindwi (7) y’inzu y’ubucuruzi iherereye mu isatenere ya Nyanga mu...
2 May 2022 0