skol
Fortebet

Umunyarwanda yakoze urubuga ruriho ibizamini bya Leta byose

Amakuru   Yanditswe na: Nsanzimana Ernest 7 September 2017

Shyaka James w’ imyaka 23 y’ amavuko yakoze urubuga rwa internet ashyiraho ibizamini bya Leta byose byakozwe ndetse n’ ibizamini by’ uruhushya.

Uyu musore wiga ibijyanye n’ ikoranabuga avuga ko yakoze uru rubuga www.isomo.info kugira ngo afashe abanyeshuri bitegura ibizamini kubona ibizamini byagiye bikorwa mu myaka yabanje bizwi nk’ ibicupuri.

Aganira n’ Umuseke dukesha iyi nkuru yagize ati “Twajyaga mu isomero tugasanga kopi z’ibizamini zirimo ni eshanu, kandi na zo uwinjiye akayiba akayitwara, hasigaramo nk’ebyiri ugasanga abantu bazishaka ni benshi, bakatubwira ngo genda uzagaruke nyuma y’iminsi iyi… ugasanga habayeho gutanguranwa. Aho umuntu ari hose azajya abasha kubona za past papers [past exam papers] utiriwe kujya muri library ngo zashize.”

Avuga kandi ko uru rubuga ruzanafasha abarezi kuko na bo batajyaga babasha kubona kopi z’ibizamini ku buryo na bo bazajya barwifashisha rukabaha umurongo w’ibyo bagomba kwigisha abanyeshuri.

Ati “Ndifuza gutanga umusanzu mu burezi bufite ireme ku buryo buri munyarwanda wese abasha gutsinda atari bya bindi ngo kubona past papers ni uko ugomba kuba ufite mwene wanyu ukora muri REB, oya, wa mwana wavutse udafite abantu b’iwabo bize, age kuri uru rubuga abashe kubona Past papers.”

Kuri uru rubuga kandi hariho kopi z’ibizamini by’impushya z’agateganyo zo gutwara ibinyabiziga (Permis provisoire) byakozwe mu myaka itandukanye n’ibisubizo byabyo.

Ruzanafasha buri wese ukoresha umuhanda kuko hariho amategeko y’umuhanda, abasanzwe batwara ibinyabiziga bashobora kurwifashisha bihugura, naho abagenzi bakamenya uko bagomba kwitwara mu gihe bari mu ngendo.

Ati “Hari igihe umunyamaguru yambukaga kandi atari we wemerewe kwambuka, hari n’igihe na none utwaye imodoka yakabaye yitonda kugira ngo umunyamaguru atambuke ariko akabirengaho atari uko adafite permis ahubwo ari uko atakibuka ya mategeko y’umuhanda.

Hagiye kubaho gusobanukirwa, habeho kwihugura, buri wese yaba abana bato, abanyeshuri bamenye amategeko ku buryo bizagabanya impanuka.”
Shyaka avuga ko uru rubuga rumaze gusurwa n’abantu ibihumbi 18 rushobora kuzajya rufungurwa bidasabye internet mu gihe Leta y’u Rwanda yabimuteramo inkunga.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


  • chat_bubble ISHIMWE Jean Pierre

    Nashakaga chemistry ya 2018,2019 na mathematics ya 2019,2021

    3 weeks ago
  • chat_bubble Uwimana Alphonse

    Ndasha ibizamini bya Leta by’Ikinyarwanda byakozwe 2018,2017.

    1 month ago
  • chat_bubble Richard musoni

    Ikizamini cya chemistry s1

    3 months ago
  • chat_bubble nyirahafashimana colette

    gusaba ibizamini bya leta by’ikinyarwanda by’amashuri abanza nibisubizo byabyo byo mumyaka yashize

    5 months ago
  • chat_bubble nyirahafashimana colette

    gusaba ibizamini bya leta by’ikinyarwanda by’amashuri abanza nibisubizo byabyo byo mumyaka yashize

    5 months ago
  • chat_bubble Dismas Bimenyimana

    Gusaba ibizamini s6 english

    5 months ago
  • chat_bubble Dismas Bimenyimana

    Gusaba ibizamini s6 english mu buryo bwo kwisuzuma nk’umwarimu ushaka kumenya intera agezeho.

    5 months ago
  • chat_bubble Manishimwe Jean de Dieu

    Gufasha Abana Tubategura Neza kuzakora ikizamini Gisoza Umwaka wa 6 w’amashuri abanza

    5 February
  • chat_bubble Regis

    Gusaba ibizamini

    November 2021
  • chat_bubble Regis

    Gusaba ibizamini

    November 2021
  • chat_bubble kalinda ange

    Nyabisindu

    October 2021
  • chat_bubble Bizabishaka Theoneste

    Komerezaho ntuzacike intege.Leta yacu ni umubyeyi,nibona byubaka izagufashe kuko nawe uzaba urimo gutanga umusanzu.

    October 2021
  • chat_bubble irakiza

    Good komereza aho

    January 2021
  • chat_bubble Niyonsenga Jean baptiste

    Amakuru yibyavuye mukwaplyinga

    November 2020
  • chat_bubble

    yego rwose ni byiza pe ariko se ibisubiz byo ?

    September 2019
  • 1 | 2

Inzindi nkuru

Hasobanuwe impamvu kwiyandikisha mu kizamini cyo gukorera impushya zo...

bamwe mu bakoresha Service isaba kwiyandikisha gukora ikizamini cyo kubona...
21 July 2022 1

Gabon na Togo byemerewe kuba abanyamuryango bashya ba Commonwealth

Inama y’Abakuru b’Ibihugu na za Guverinoma zigize Commonwealth, yemeje ko...
25 June 2022 0

Dr. Nibishaka wari umuyobizi wa RGB yakatiwe gufungwa Iminsi 30...

Urukiko rw’ibanze rwa Kicukiro rwategetse ko Dr Nibishaka Emmanuel,...
8 June 2022 0

Gen Muhoozi yasobanuye impamvu yita Perezida Kagame “Nyirarume”...

Umuhungu wa Perezida Museveni, Lt Gen Muhoozi Kainerugaba wari Umugaba...
3 June 2022 0

Hamenyekanye itariki ntarengwa u Rwanda ruzakiriraho abimukira baturutse mu...

Leta y’u Rwanda yatangaje ko muri uku kwezi kwa Kamena 2022 , dutangiye uyu...
1 June 2022 0

Gakenke : Impanuka ikomeye y’imodoka yahitanye umwe shoferi aburirwa...

Mu Karere ka Gakenke habereye impanuka y’imodoka yavaga Rulindo yerekeza...
31 May 2022 0