Kuri uyu wa Gatanu tariki ya 30 Ukuboza 2016, Urukiko rwa gisirikare i Nyamirambo rufashe umwanzuro wo gusubika urubanza ruregwamo Maj Dr Aimable Rugomwa na murumuna we Nsanzumuhire Mamerito baregwa kwica umwana w’abaturanyi bamukubise. Urukiko rutegetse ko Nsanzumuhire abanza akajya kuvuzwa uburwayi bwo mu mutwe.
Maj Dr Rugomwa umuganga mu bitaro bya gisirikare by’u Rwanda i Kanombe na murumuna we Nsanzumuhire baregwa ubufatanyacyaha no kwica umwana witwa Theogene mu ijoro ryo ku (…)

Kuri uyu wa Gatanu tariki ya 30 Ukuboza 2016, Urukiko rwa gisirikare i Nyamirambo rufashe umwanzuro wo gusubika urubanza ruregwamo Maj Dr Aimable Rugomwa na murumuna we Nsanzumuhire Mamerito baregwa kwica umwana w’abaturanyi bamukubise. Urukiko rutegetse ko Nsanzumuhire abanza akajya kuvuzwa uburwayi bwo mu mutwe.

Maj Dr Rugomwa umuganga mu bitaro bya gisirikare by’u Rwanda i Kanombe na murumuna we Nsanzumuhire baregwa ubufatanyacyaha no kwica umwana witwa Theogene mu ijoro ryo ku cyumweru tariki 09 Nzeri 2016 mu mudugudu w’Ubumwe Akagari ka Rubirizi mu murenge wa Kanombe mu karere ka Kicukiro.

Mu kuburana ariko abunganira abaregwa bakunze gutangaza ko Nsanzumuhire Mamerito afite uburwayi bwo mu mutwe, bagasaba ko iburanishwa ritakorwa ahubwo ko yajyanwa kuvuzwa.

Kuri uyu wa gatanu mu cyumba cy’Urukiko abaregwa bombi nyuma yo kubazwa batangaje ko biteguye kuburana.

Gusa bakomoza kuri ubwo burwayi banavuzeho mbere.

Urukiko rwahise rufata umwanzuro ko iburanishwa rya none risubitswe kugira ngo Nsanzumuhire abanze ajye kwivuza.

Maj Innocent Karara wari uhagarariye Ubushinjacyaha kuri iki yavuze ko abona ibi ari ugutinza urubanza.

Urukiko rwo rwemeje ko uru rubanza ruzasubukurwa tariki 09 Gashyantare 2017.

Src:Umuseke